پەیامی سەرۆك بارزانی بۆ یادی لەدایكبوونی پێغەمبەری ئیسلام (د.خ)

بە ناوی خودای بەخشندەی میهرەبان
بەبۆنەی یادی لە دایكبوونی پێغەمبەری مەزن، حەزرەتی محەمەدولمستەفا (دروودی خوای لەسەر بێت) پیرۆزبایی لە هەموو موسڵمانانی جیهان و عێراق و كوردستان دەكەم.
لەم بۆنە پیرۆزەدا لە خودای گەورە داواكارم دەرگای خێر و بەرەكەت و ڕەحمەت بە ڕووی گەلی كوردستان و گەلانی عێراق و ناوچەكە بكاتەوه و ئاشتی و مرۆڤدۆستی سەرانسەری جیهان و ناوچەكەمان بگرێتەوە.
هەروەها لە یەزدانی مەزن دەخوازم فەرهەنگی پێكەوەژیان و برایەتی و تەبایی لەناو گەلەكەماندا قووڵتر و فراوانتر ببێت.
والسلام علیكم ورحمە‌ الله وبركاتە

مسعود بارزانی
8ی تشرینی یەكەمی 2022