بەیانی ئەمڕۆ چوارشەممە نرخی نەوت بە هەردوو جۆری برێنت و خاوی ئەمریکی لە بازاڕەکانی جیهاندا چەند سەنتێک ڕووی لە بەرزبوونەوە کرد.
ئەمڕۆ نرخی یەک بەرمیل نەوتی برێنت گەیشتە ٨٢ دۆلارو ٥٦ سەنت، لە کاتی داخستنی بازاڕدا بە ٨٢ دۆلار و ٣٤ سەنت بوو.
هەروەها نرخی بەرمیلێک نەوتی خاوی ئەمریکی گەیشتە ٧٧ دۆلار و ٢٣ سەنت، لە کاتی داخستنی بازاڕدا بە ٧٧ دۆلار و ٤ سەنت بوو.
بەرزبوونەوە و دابەزینی نرخی نه‌وت بۆ ترسی کۆمپانیاکان دەگەڕێتەوە لە گۆڕینی ڕێڕەوی رێگا لە دەریای سورەوە، بەهۆی هێرش و هەڕەشەی حوسییەکانی یەمەن بۆسەر کەشتییە نەوتییەکان.
