لە سۆران زیاتر لە هەزار کەمدەرامەت نەوتیان پێدەرێت

پشتیوان کەریم- زاری كرمانجی:

ئەمڕۆ دووشەممە، لە قەزای ناوەندی سۆران زیاتر لە هەزار کەمدەرامەت و خاوەند پێداویستی تایبەت نەوتیان پێدەدرێت.

بەرپرسی ئۆفیسی سۆرانی دەزگای خێرخوازی بارزانی، بە زاری کرمانجی ڕاگەیاند: دەزگای خێرخوازی بارزانی بە هەماهەنگی ئەندامێكی پەرلەمانی عێراق لە فراكسیۆنی پارتی نەوت بەسەر خێزانە کەمدارەمەتان دابەش دەکرێت.

لای خۆیەوە نێچیروان عبدولواحید، بەرپرسی ئۆفیسی دەزگای خێرخوازی بارزانی لە سۆران، هێمای بۆ ئەوەشکرد: دوای قەزاکانی چۆمان و رواندز وسیدەکات ئەمڕۆ دابەش كردنی نەوت لە قەزای ناوەندی سۆران دابەش دەکرێت و 1200 خێزان لەو نەوتە سودمەند دەبن و بۆ هەر خێزانێکێش 60 لیتر دیاری کراوە.

ئەوەشی خستەڕوو ، نەوتەكە لەلایەن دەزگای خێرخوازی بارزانی بە هاوکاری نەهرۆ رواندزی ئەندام پەرلەمانی عێراق لە فراكسیۆنی پارتی لە تەواوی قەزا و ناحیەكانی ئیدارەی سۆران بەردەوام دەبێت و ئێمە وەك دەزگای خێرخوازی بارزانی بۆ دابەش كردنی نەوت هەماهەنگیمان لەگەڵ حكوومەت بە تایبەت قائیمقامیەتەكان و ئیدارەی سەربەخۆی سۆران كردووە، رەچاوی كەسانی كەمدەرامەت و هەژار كراوە، بەگشتی 3500کەس لە تەواوی ئیدارەی سۆران سوود مەند دەبن لەم هاوکارییە.”