زارى کرمانجى:
به گوێرهی بۆرسهی جیهانی وزه، ئهمڕۆ سێشهممه نرخی بهرمیلێك نهوتی خاوی برێنت ههشت سهنت دابهزی و گهیشته 83.48 دۆلار، نرخی بهرمیلێك نهوتی خاوی ڕۆژئاوای تهكساسی ئهمریكاش 10 سهنت دابهزی و گهیشته 78.36 دۆلار.
نرخی نهوت له دوای بۆردومانێكی دیكهی حوسییهكان له دهریای سور، پارێزگاری له دهستكهوتهكانی خۆی كرد له بهرزترین ئاستی ماوهی سێ مانگی رابردوودا، لهگهڵ بهردهوامی گرژییهكان له ناوچهی سهرهكی بۆ بهرههمهێنان و بازرگانی نهوتی خاو.
له سهرهتای ئهمساڵهوه نهوت له مهودایهكی تهسكدا ماوهتهوه كه 10 دۆلاره بۆ ههر بهرمیلێك، چونكه كێبڕكێی نێوان ئهو هۆكارانهی پاڵپشتی بهرزبونهوه و دابهزینی نهوت دهكهن، بووه هۆی دابهزینی ناجێگیری، نیشانهكانی لاوازی خواست به تایبهتی لهلایهن چینی هاوردهكاری سهرهكییهوه بههۆی گرژییهكانی ناوچهكه، ههوڵهكانی هاوپهیمانی ئۆپێك بۆ كهمكردنهوهی بهرههمهێنان جێگیركران.
