زاری كرمانجی-سۆران:
ناوەڕۆکی یەکەم ڕۆژی دیدار و کۆبوونەوەکانی نێچیرڤان بارزانی، لە میانی کۆنفرانسی ئاسایشی میونشن:
١-سەرۆکی هەرێمی کوردستان و وەزیری بەرگریی بەریتانیا جه‌ختیان كرده‌وه کە پێویسته عێراق خۆی له پشێوییە‌كانی ناوچەکە به‌دوور بگرێت، نێچیرڤان بارزانی سوپاسی یارمه‌تی و پشتگیریی به‌ریتانیای کرد بۆ هه‌رێمی كوردستان.
٢-نێچیرڤان بارزانی و هاكان فیدان دوای گفتوگۆ لەسەر دوایین هه‌وڵ و هه‌نگاوه‌كانی هه‌نارده‌كردنه‌وه‌ی نه‌وتی هه‌رێمی كوردستان ، جە‌ختیان له پاراستنی ئاسایش و سه‌قامگیری و هاریكاریی هاوبه‌شی توركیا له‌گه‌ڵ هه‌رێمی كوردستان كرده‌وه.
٣-شاندی سێناتی ئەمەریکا به‌رده‌وامیی پشتگیریی وڵاتەکەی بۆ هه‌رێمی كوردستان له به‌ره‌نگاربوونه‌وه‌ی تیرۆر و مه‌ترسییه‌كانی داعش و هه‌ڕه‌شه ئه‌منییه‌كان دووپات كرده‌وه.
٤-نێچیرڤان بارزانی و سکرتێری گشتیی UN
دووپاتیان کردەوە کە ده‌بێ ئاسایش و سه‌روه‌ریی عێراق پارێزراو بێت و ڕێگه نه‌درێت عێراق بخزێته نێو ئاڵۆزییه‌كانی ناوچه‌كه‌وه.
سرکرتێری گشتیی UN سوپاسی ڕۆڵی ئەرێنیی سەرۆک نێچیرڤان بارزانی لە پرۆسەی سیاسیی عێراق و هەرێمی کوردستاندا کرد.
٥-نێچیرڤان بارزانی و كیریاكۆس میتسۆتاكیس، سه‌رۆكوه‌زیرانی یۆنان، لە كۆبوونەوەیەکدا پەیوەندییەکان و هاریکاریی هاوبەشیان تاوتوێ کرد و له‌مباره‌یه‌وه به‌ڕێز سه‌رۆكوه‌زیرانی یۆنان خواستی خۆی بۆ سه‌ردانی هه‌رێمی كوردستان له داهاتوویه‌كی نزیكدا ده‌ربڕی.
٦- نێچیرڤان بارزانی و سه‌رۆكوه‌زیران و وه‌زیری ده‌ره‌وه‌ی قه‌ته‌ر لە کۆبوونوەیەکدا جه‌ختیان له گرنگی و پێویستیی هاریكاریی هاوبه‌شی وڵاتانی ناوچه‌كه بۆ پاراستنی ئارامی و سه‌قامگیری كرده‌وه.
٧-سه‌رۆكی هه‌رێمی كوردستان و وه‌زیری ده‌وڵه‌تی ئه‌ڵمانیا بۆ كاروباری به‌رگری، هاریكاریی هاوبه‌ش و دۆخی ئه‌منیی عێراق و ئاڵۆزییه‌كانی ناوچه‌كه‌یان تاوتوێ کرد.
٨-نێچیرڤان بارزانی لەگەڵ تۆبیاس لیندنه‌ر، وه‌زیری ده‌وڵه‌تی ئه‌ڵمانیا بۆ كاروباری ده‌ره‌وه، كۆبووه‌وه
هه‌ردوولا داكۆكییان له گرنگیی جێبه‌جێكردنی ڕێككه‌وتنی نێوان حكوومه‌تی فیدراڵیی عێراق و حكوومه‌تی هه‌رێمی
كوردستان بۆ ئاساییكردنه‌وه‌ی دۆخی شه‌نگال، کردەوه.
بەڕێز لیندنه‌ر جه‌ختی له‌وه كرده‌وه كه ئه‌ڵمانیا له پشتیوانیكردنی هه‌رێمی كوردستان به‌رده‌وام ده‌بێت و ئارامی و سه‌قامگیریی ئه‌منی و سیاسیی عێراق و هه‌رێمی كوردستانیشی بۆ ته‌واوی ناوچه‌كه بە گرنگ زانی.
٩-دوای کۆبوونەوەیان، ئه‌لكسه‌نده‌ر شالنبێرگ، وه‌زیری ده‌ره‌وه‌ی نه‌مسا، بەفەرمی نێچیرڤان بارزانیی بانگهێشتی سەردانێکی نەمسای کرد.
