مەهدی محەممەد – زاری كرمانجی :
لە ڕاپرسییەكدا زیاتر لە 80 % دەنگدەرانی ئەمەریكا پێیان وایە بە هۆی هەڵكشانی تەمەن، جۆ بایدن شیاوی خولێكی تری سەرۆكایەتی نییە و هەروەها 59 % دەنگدەرانیش دۆناڵد ترەمپ بە هەمان هۆكاری هەڵكشانی تەمەن و ئەو كارانەی لە هەڵبژاردنی ڕابردوو كردی بە شیاوی سەرۆكایەتیكردنی ئەمەریكا نازانن.
كۆمپانیای ABC News/Ipsos لە ڕێگەی پرسیارێكەوە كە ئاخۆ لە نێوان بایدن و ترەمپ كامەیان دەبنە سەرۆكی داهاتووی ئەمەریكا ؟ ڕاپرسییەكی لە نێو دەنگدەرانی ئەمەریكا ئەنجام داوە و دەركەوتووە دەنگدەران هیچ كام لەم دوو بەربژێرە بە شیاوی سەرۆكی داهاتووی ئەمەریكا نازانن.
لە ڕاپرسییەكەدا 86% ی دەنگدەرانی ئەمریكا بە هۆی بە تەمەن داچوونی جۆ بایدن، چیتر بە پێویستی نابینن جارێكی تر ببێتەوە بە سەرۆكی ئەمەریكا. هەروەها 59% ی دەنگدەرانیش پێیان وایە دۆناڵد ترەمپیش هەمان كێشەی بە تەمەن داچوونی هەیە و لەگەڵ ئەو كارانەی لە هەڵبژاردنی پێشوو كردی نیگەرانی زۆری دروست كردووە لە شەقامی ئەمەریكی و بە كەسێكی نەشیاو بۆ پۆستی سەرۆكایەتی ئەمەریكا دەزانن، هاوكات لە ڕاپرسییەكەدا 44% لە دەنگدەران پێیان وایە ترەمپ زۆر لە بایدن باشترە و دەتوانێت سنوورەكانی وڵاتەكە بپارێزێت و جارێكی تر ببێتەوە سەرۆكی ئەمەریكا.
