ئەمڕۆ لەسەر ئاستی جیهانی نرخی نەوت رووی لەبەربوونەوە كرد، شارەزایان هۆكارەكەی بۆ گرژییەكانی ڕۆژهەڵاتی ناوەڕاست و رەتكردنەوەی ئاگربەست لەلایەن ئیسرائیلەوە دەگێرنەوە.
ئەمڕۆ پێنجشەممە، نرخی بەرمیلێك نەوتی خاوی برێنت لە بازاڕەكانی جیهاندا بە 79 دۆلار و 65 سەنتەوە مامەڵەی پێوەدەكرێت، لە كاتێكدا لە كاتی داخستنی بازاڕدا بە 79 دۆلار و 15 سەنت بوو، واتە هەر بەرمیلێك (50) سەنتی هاتۆتە سەر.
لە لایەكی دیكەشەوە نرخی نەوتی خاوی ئەمریكیش بەرەو هەڵكشان دەچێت و نرخی بەرمیلێك گەیشتە 74 و 19 سەنتە. لە كاتی داخستنی بازاڕدا بە 73 دۆلار و 86 سەنت بوو، ئەم جۆرە نەوتەش (50) سەنتی هاتۆتە سەر.
شارەزایان پێشبینی دەكەن لەئەگەری بەردەوام بوونی گرژییەكانی رۆژهەڵاتی ناوەڕاست نرخی نەوت زیاتر هەڵبكشێت، بە تایبەتی بە هۆی رەتكردنەوەی ئاگربەست لەلایەن ئیسرائیل و هەڕەشەی حووسییەكان لەسەر جموجوڵی كەشتییەكان لە دەریای سووردا.
