دیدار-محەمەد هەسنانی
بەڕێوەبەری گشتی كاروباری شەهیدان و ئەنفالكراوانی ئیدارەی سەربەخۆی سۆران دەڵێت: ” حكوومەتی هەرێمی كوردستان، هەموو هەوڵێكی خستووتەگەڕ بۆ زیاتر ئاوڕادنەوە لە وارس و كەس و كاری سەربەرزی شەهیدان، بە پێدانی مووچەو شایستەكانیان و چارەسەری پزیشكی و دابینكردنی كرێی خوێندن بەپێی یاسا و ڕێنماییەكان. و چەندین هەوڵ و چاڵاكی تریش هەبووەو بەردەوامیش دەبین.
كەریم كاوە، بەڕێوەبەری گشتی كاروباری شەهیدان و ئەنفالكراوانی ئیدارەی سەربەخۆی سۆران، گووتیشی: ” یەكێك لە كارە گرنگەكانی كابینەی نۆیەم كردنەوەی بەڕێوەبەرایەتیی گشتیی كاروباری شەهیدان و ئەنفالكراوانی سۆران بوو، بە بڕیاری مەسرور بارزانی سەرۆكی حكومەتی هەرێمی كوردستان، ئەمەش هەنگاوێكی گرنگ و پێویست بوو بۆ زیاتر خزمەتكردن بە كەس و كاری سەربەرزی شەهیدان و ئەنفالكراونی سنووری ئیدارەی سەربەخۆی سۆران، كە دۆسییەی زیاتر لە هەشت هەزار شەهید و ئەنفالكراو لامان تۆمار كراوە، لە سنووری شەش قەزای ئیدارەی سۆران”.
ئاماژەی بەوەشدا: ” كاری جددی كراوە لە سەر ئاستی وەزارەتی شەهیدان و لایەنە پەیوەندیدارەكانی حكومەتی هەرێمی كوردستان، لەسەر گواستنەوەی دۆسییەی شەهیدانی شەڕی داعش و بەرگرییەكانی دیكەی خاكی كوردستان، بۆ سەر وەزارەتی كاروباری شەهیدان، بۆ ئەوەی بەهەمان شێوە لەوەرگرتنی ماف و ئیمتیازاتەكان سوودمەند ببن هاوشێوەی شەهیدانی دیكە كە پێشتر لامان تۆمار كراون، بەشێوەیەكی گشتیی حكومەتی هەرێمی كوردستان، هەموو هەوڵێكی خستووتەگەڕ بۆ زیاتر ئاوڕادنەوە لە وارس و كەس و كاری سەربەرزی شەهیدان، بە پێدانی مووچەو شایستەكانیان و چارەسەری پزیشكی و دابینكردنی كرێی خوێندن بەپێی یاسا و ڕێنماییەكان. و چەندین هەوڵ و چاڵاكی تریش هەبووەو بەردەوامیش دەبین لەسەر پێشكەش كردنی خزمەتی زیاتر بە وارس و كەس و كاری سەربەزی شەهیدان”.
بەڕێوەبەری گشتی كاروباری شەهیدان و ئەنفالكراوانی ئیدارەی سەربەخۆی سۆران، هێمای بۆ ئەوەش كرد: “لە بەڕێوەبەرایەتییەكەمان هەموو هەوڵێكمان خسووتەگەڕ بۆ ئەوەی بە ئاسانترین شێوە ئیش و كاری وارس و كەس و كاری شەهیدان و ئەنفالكراوان رۆژانە ڕایی بكەین، تا لە كاتی سەردانی كردنیان بۆ بەڕێوەبەراتییەكەمان زۆر ماندوو نەبن و بە كەمترین كات كاروباریان ئەنجام بدرێت، بۆ ئەم مەبەستە وەك یەكەم بەڕێوەبەرایەتی گشتی لە ئیدارەی سەربەخۆی سۆران و وەزارەتی كاروباری شەهیدان و ئەنفالكراوان، دەستمان بە جێبەجێكردنی سیستەمی یەك پەنجەرەیی كردووە بۆ ڕایی كردنی مامەڵەی هاووڵاتییان، ئەوەش بەرەنجامی كارنامەی كابینەی نۆیەمە بۆ كەمكردنەوەی ڕۆتین، كە سەردانیكار تەنیا مامەڵە لەگەڵ یەك پەنجەرە و یەك فەرمانبەر دەكات و دوای ماوەیەكی كەم مامەڵەكەی تەواو دەكرێت و ئاگادار دەكرێتەوە، ئەم سیستەمەش بە شێوەی سەركەوتووانە بەڕێوەدەچێت و لەبەرژەوەندی گشتییەوەیە”.
كەریم كاوە، بەڕێوەبەری گشتی كاروباری شەهیدان و ئەنفالكراوانی ئیدارەی سەربەخۆی سۆران، وارس و كەس و كاری شەهیدان دڵنیا دەكاتەوە، كە جێبەجێ كردنی پڕۆژەی هەژماری من هاوشێوەی مووچە خۆرانی دیكە لە بەرژەوەندی گشتییەوەیە، لە كاتی كردنەوەی هەژماری بانكی سەربەخۆ بۆیان ئەوا هیچ گۆڕانكاری لە بڕ و شێوازی مووچەكانیان ناكات وەكو جاران هەمان بڕە پارە وەردەگرن كە بە پێی یاسا و رێنماییە بەركارەكانی وەزارەتمان بۆیان دابین كراوە، هەر یەكەو هەژمارێكی تایبەتیان بۆ دەكرێتەوەو لەم ڕووەوە كێشەیان بۆ دروست نابێت، تەنانەت ئاسانكاری زۆریشە بۆیان.
