ئەمڕۆ نرخی هەر دوو جۆری نەوت برینت و نەوتی خاوی ئەمریكی هەڵكشا و پێشبنیش دەكرێت زیاتر بەرز ببێتەوە .
ئەمڕۆ سێشەممە نرخی نەوت لە بازاڕەکانی جیهاندا گۆڕانکاری زیاتری بەسەردا هات و نرخی هەر بەرمیلێک نەوتی برێنت گەیشتە سەروو ٨١ دۆلار.
ئێستا نرخی یەک بەرمیل نەوتی برێنت بە ٨٢ دۆلار و ١٢ سەنتە، لە کاتێکدا لە کاتی داخستنی بازاڕدا بە ٨١ دۆلار و ٨٣ سەنت بوو.
هەروەها نرخی نەوتی خاوی ئەمریکی بە ٧٧ دۆلار و ١٥ سەنت مامەڵەی پێوەکرا، بەڵام لە کاتی داخستنی بازاڕدا بە ٧٦ دۆلار و ٧٨ سەنت بوو.
بەپێی دوایین بڕیاری ئەندامانی رێکخراوی ئۆپێک، پێویستە کەمکردنەوەی بڕی بەرهەهێنانی نەوت بە بڕی زیاتر لە یەک ملیۆن بەرمیلی ڕۆژانە تا کۆتایی ئەم مانگە بچێتە بواری جێبەجێکردنەوە و ئەمەش هەنگاوێکە بۆ بەرزبوونەوەی زیاتری نرخی نەوت.
