جبار عبداللە مهاجر
پارتی لەساڵی ۱۹٤٦ دامەزرا هەرچەندە سەرەتای دەسپێکی جموجۆڵەکانی ئەو پارتە بەشێوەیەکی وەهمی بووە هۆکارەکەشی دەگەڕێتەوە بۆ هەڕەشەی دوژمنانی کورد لەناوچەکەدا کەدەرفەتیان بۆ نەڕەخساوە کاری حزبایەتی خۆیان زوو بەئەنجام بگەیێنن، بەڵام کارو چاڵاکیەکانی ئەو پارتە بەسەرۆکایەتی مستەفا بارزانی بەردەوام بووە بێ ئەوەی هیچ ترس و تۆقاندنێک ببێتە بەربەست لەبەردەمیان، دوای درێژەدان بەکارو چاڵاکیەکان کەپێویست بوون لەناوچەکەدا لەبەرژەوەندی کورد بکرایە دواجار بەرهەمەکەی بینیمان کەلەساڵی ۱۹٥٨ پارتی دیموکراتی کوردستان کاری حزبایەتی خۆی بەئاشکرا دەستیپێکردوو گەلی کورد لەچین و توێژە جیاجیاکانەوە وەک پاڵپشتیێک بۆسەرخستنی کاری حزبەکەیان خەباتی مەدەنیان دەسپێکرد.
کار و پڕۆگرامی پارتی بە هەموو ئۆرگانەکانەوە درێژەدانە بەکارکردن لەسەر ئەو ڕێگاو بنەمایانەی کە کوردیش وەکو گەلانی جیهان پێویستی پێی هەیە، پارتی و سەرکردایەتی ئەو حزبە هیچ کات خۆی جیانەکردۆتەوە لەداخوازیەکانی گەلەکەی هەموو کات خۆی بەهاوبەش زانیوە چ لەخۆشیەکان یان خوانەخواستە ناخۆشیێک ڕووی تێکردبێت، بڵاوبونەوەی ئینتیمای قەومی و نیشتیمانی لەناو کوردا بیرۆکەی سەرکردایەتی پارتی بوو بۆیە پارتی ڕۆژ دوای ڕۆژ جەماوەری لەفراوانبووندایە، تەسلیم بوون بەئیرادەی دوژمنان لەخەسڵەتەکانی پارتی دوورە.
ئەمڕۆ دوژمنانی کورد ئامانجی یەکەمیان لێدانە لەو بنەماڵە کوردپەروەرە کەخاوەندارێتی پارتی دەکەن بەدڵسۆزیەوە، هەڕەشەکردن لەپارتی هەڕەشەیەکی جدیە لەسەر تەواوی کورد و کوردستان، هەموو ئەو ڕێساو یاسایانەی کەلەجیهانی مرۆڤایەتی پەیڕەو دەکرێن بۆ دروستکردنی کۆمەڵگایێکی ئازاد و خوشگوزران پارتی بەدەر لەویاسایانە کاری نەکردووە، لەکاتی دروست بوونی کێشەو گرفتەکان پارتی یەکەم لایەن بووە ڕێگای حیواڕ و گفتوگۆی گرتۆتەبەر بۆ گەیشتن بەچارەسەر، دژایەتی کردنی پارتی ئیرادەی گەلی کورد بەهێزتر دەکات.
خۆنەچەماندن و خەباتی مەدەنی زیاتر دەبێت و کۆتایەکەشی سەرشۆڕیە بۆ دوژمنانی کورد و کوردستان، وەک ئەوەی کەسەرۆک بارزانی دەڵێ پارتی داربەڕوا کوردستانێیە قەت لەناوناچێت و ناڕوخێت بۆیە خەیاڵتان ئاسودە بکەن کەپارتی هەر پارێزەری گەلی کورد دەبێت و ناوەستێت لەبەرامبەر ئەو هێرشە ناڕەوایانەی کەدەکرێنە سەر شوێن و پێگەی ئەو حزبە کەدەسهەڵاتی یەکەمی هەیە.
