سەرچاوەیەكی ئاگادار لە پەرلەمانی عێراق بە زاری كرمانجی راگەیاند ” كێشە سەرەكییەكەی هەناردە نەكردنەوەی نەوتی هەرێم پەیوەندی بە دیاریكردنی نرخی تێچوووی به‌رهه‌مهێنانی نەوتی هەرێم بوو، بە تایبەتی بۆ كۆمپانیاكان، بۆية گفتوگۆی جددی لە نێوان حكومەتی هەرێمی كوردستان و بەغدا كراوە تا بگەنە ئەنجامێكی گونجاو، بۆ ئەوەی دەست بە هاناردەكردنەوەی نەوتی هەرێمی كوردستان بكرێتەوە”.
ئەو پەرلەمانتارە زیاتر روونیكردەوە ” هه‌ولێر و به‌غدا، لەسەر تێچووی به‌رهه‌مهێنانی به‌رمیلێك نه‌وت، له‌سه‌ر 20.6 دۆلار ڕێك كه‌وتن، بەڵام گفتوگۆی زیاتر دەوێت بۆیە گفتوگۆكانی هه‌ولێر و به‌غدا له‌باره‌ی هه‌نارده‌كردنه‌وه‌ی نه‌وت به‌رده‌وامه”.
