شەهلا رەشید- سۆران
پزیشكێكی پسپۆڕی خۆراك، دەڵێت” لە ئێستادا خەڵكێكی زۆر تووشی نەخۆشییەكانی گورچیلە بوونە، یاخود گورچیلەیان لەكار كەوتووە و شووشتنی بۆ ئەنجام دەدەن.
د. بەدر سورچی، پڕۆفیسۆری یاریدەدەر و پزیشكی پسپۆڕی گیادەرمان، بە زاری كرمانجی راگەیاند” تووشبوون بە نەخۆشییەكانی گورچیلە و شووشتنی گورچیلەكان لەنێو خەڵك زۆر بڵاوە، هەر بۆیەش لەم بابەتە تەندروستییەدا جەمەوێ ئاماژە بە چەند چارەسەرێكی سادە دەكەین بۆ پارێزگاری لە گورچیلەكان.
ئەم پزیشكە، ئاماژەی بەوەشكرد” چەند رێنماییەك و چارسەر كە هەر لە ماڵەوە دەتوانن ئەنجامی بدەن، لەگەڵ هەندێك خواردنی تەندروست بۆ گورچیلەكان، لەوانەش:
-نانی گەنم و جۆبەكەپەكەوە
- فاسۆلیای سۆر و سپی و فوڵ سۆیا و بزالیا
- كەوچكێك ەنگوین و نیو كەوچك چای رەشكە
- رۆژانە یەك كەوچك چای زەردەچەو، زەنجەبیل، رازیانە و پەرداخێك شەربەتی مێكوك (عرق سوس)
- سركەی سێوی سروشتی، زەیتی زەیتوون و ئاوی لیمۆ، پێش نان خواردن لەگەڵ ناو زەڵاتە تێكەڵ بكرێت.
- خواردنی چەوەندەری سۆر و كەلەمی سۆر، كەرەوز، مەعدەنووس، كودی، خیار، پیاز و تەڕەپیاز و گێزەر كە سوودێكی ئیجگار زۆریان هەیە بۆ گورچیلەكان.
- گێلاس، توو یاخود دۆشاوەكەی، فراولە، شفتی، تووترك، سێو، لەیمون، گرێپ فروت، لالەنگی و بەلالووك.
- گوێز و كونجی قاوەیی
هەموو ئەوانەی كە لە سەرەوە ئاماژەمان پێكردن، خواردنە تەندروستەكانن بۆ سەلامەتی گورچیلەكان.
خواردنە خراپەكانیش بریتین لەمانەی خوارەوە: - وازهێنان لە خواردنی شەوان بەتایبەتی خواردنی قورس
- كەمكردنەوەی خواردنی گۆشت بەتایبەتی گۆشتی سوور
- جگەرەكێشان و مادە هۆشبەرەكان و لەگەڵ هەموو دەرمانە ئارامبەخشەكان
- دووركەوتنەوە لە خواردنی سووركراوە
- دووركەوتنەوە لە خواردنەوە گازییەكان، وزەبەخشەكان، قووتوونراوەكان و كەحولییەكان
- كەم بەكارهێنانی خوێ و لە پێویست زیاتر نەبێت
- رۆژانە خواردنەوەی 10 بۆ 15 پەرداخ ئاو، جگە لەوانەی كێشەی لاوازی گورچیلەیان هەیە
- واباشە مۆز، ئەڤۆگادۆ و قەیسی نەخۆیت بەڵام ئەگەر خواردت كەم بیانخۆ
- دووركەوتنەوە لە خواردنی چەرەزات بەتایبەتی برژاو
- كەمكردنەوەی خواردنی پەنیر، لۆر، قەیماغ و ماستی مەڕ، باشترە رۆژانە كەمێك ماستی چێل بخۆیت
