ئەمڕۆ شەممە 27-1-2024 نرخی هەردوو جۆری نەوت لە بازاڕەكانی جیهاندا بەرز بووە.
ئێستا نرخی یەك بەرمیل نەوتی برێنت بەرز بووە و گەیشتە 83 دۆلار و55 سەنت، لە كاتی داخستنی بازاڕدا بە 83 دۆلار و 11 سەنت بوو.
هەروەها نرخی بەرمیلێك نەوتی خاوی ئەمریكی گەیشتە 78 دۆلار و 23 سەنت ، لە كاتێكدا لە كاتی داخستنی بازاڕدا بە 77 دۆلار و 36 سەنت بوو.
بەرزبوونەوەی نرخی نەوت دوای بڵاوبوونەوەی ئامارە ئابوورییەكانی ئەمریكا دێت كە ئاشكرایكرد، ئابووری ئەمریكا بەڕێژەی 3.3٪ لە چارەكی چوارەمی ساڵی رابردوو گەشەی كردووە.
لە لایەكیترەوە بەرزبونەوەی نرخی نەوت بۆ ترسی كۆمپانیاكان دەگەڕێتەوە لە گۆڕینی ڕێڕەوی رێگا لە دەریای سورەوە بەهۆی هێرش و هەڕەشەی حوسییەكانی یەمەن بۆسەر كەشتییە نەوتییەكان.
