زاری كرمانجی-سۆران
بەهمەن كاك ئەحمەد، ئەندامی خولی پێشووی پەلەمانی كوردستان، لە فڕاكسیۆنی پارتی دیموكراتی كوردستان، نووسیویەتی : ” كێشەكە مۆساد و ئیسرائیل نییە خۆیان دەزانن كوێیان دێشێت، خۆی بەزلهێزترین ووڵاتی ناوچەكە دەزانێت و چوار دەوڵەتی عەرەبی كردوەتە خزمەتكاری ئەجینداكانی خۆی و لەنیوەی كوردستان دا تەراتێن یەتی و چی بویت وادەكات ، كەچی بەدەست دووشار و سەرۆكێكی نەتەوەیی ەوە گیری خواردوە ناچنە ژێر ڕكێفی و پەشیمان نابنەوە لە ڕێبازی كوردایەتی، ئاخر ئەو ڕێگە نەما بەرامبەر كوردستان بەگشتی و ئەم دوو شارە بەتایبەتی و سەركردە مەزنەكەی تاقی نەكاتەوە”.
دەشڵێت : ” لە ۲٠٠۹ وە هەرچی پارەی دەستكەوت لە بەغداد لەمیدیا و سوشیال میدیا ی كوردی و غەیرە كوردیە بەكرێی گرت دژیان كەچی هیچی پێ نەكرا، بەناوی بەهاری عەرەبی و هەرچی شتی قۆڕ هەیە بەبەكرێگیراوەكانی خۆپیشاندان ی خۆڕسك و ئەوان ڕسك هەیە دروستی كرد دژی ئەم سەركردەو ئەم كوردستانەی سودی نەبوو ، زورینەی بەناو ڕۆشنبیر و نوسەر و ڕۆژنامەنوسی كڕی و بەهەرچی زمانە دژیان نوسی سودی نەبوو، لە ۲٠۱۷ دەدا نەك هەر لەو جێگانەی كە ئەو دوژمنە دڵی پێی خۆش بوو، بەڵكو لەبستە بەبست و شار بەشاری كوردستان بە كەركوكی دڵی شەوە ڕیفراندۆمی كردو مێزەكەی بەسەریاندا قڵپ كردەوە”.
ئەوەش دەخاتەڕوو: ” هەرچی هێزی سیاسی و دبلۆماسی و سەربازی هەبوو لە ڕیككەوتنی لەگەل توركیا و عێراق و بەجاشكردنی بەشیكی كورد و هەرچی هێزی سەربازی خۆی و عێراقە بەكاری هێنا، سەرەڕای خیانەتی ناوخۆی و لەدەست دانی نیوەی خاكی كوردستان بەخیانەت هەر لە پردێ و سحیلا لوتی شكاندن، لەهەڵبژاردنەكانی دوای ڕیفراندۆم هەرچی هیزی ئابوری و میدیاو جاشخانەو بەكرێگیراوی هەبوو بەری دایە ئەم كەڵە پیاوەی كورد و حزبەكەی بەئاواتی شكست پێ هێنانی كەچی بوو بەحزبی یەكەمی عێراق”.
ئاماژە بەوەشدەدات : ” ئابلوقەی ئابووری لەریگەی بەغداوە خستە سەر هەرێم بودجەو موچەی كوردستانی بڕی و هەر لەڕیگەی بەغدا و ئەنقەرەو پاریسەوە هەناردەی نەوتی كوردستانی ڕاگرت، چوارساڵە هەرچی جاش و بەكریگیراوە تێی بەرداوە، بەو هیوایەی كوردایەتی و حكومەتی كوردی و ڕیفراندۆم لە پێش چاوی خەڵكەكەی بخات ئەم كەڵە مێردە هەر خۆی نەچەماند بۆیان، چاری نەما بەهیزترین و گەورەترین ساروخ و رۆكیت و فرۆكەی بێ فرۆكەوانی خۆی بنێریتە سەر هەولێر و بۆردومانی بكات و منداڵی بیتاوان و بازرگانی خێرخواز بكوژێت و بەجاشە سوكە چاوشۆڕە خاوەن مەلەفەكانیشی گوت پاساوی بۆ بهیننەوە، كەچی ئەم سەركردە مەزنە نەك هەرچۆكی دانەدا خەڵكی شنۆی پێش سلێمانی هێنایە سەر شەقام “.
لە دوا قسەكانیدا دەڵێت ” ئاخر چۆن پەتی سەبری نابڕێت ئەو هەموو كارانەی باسم كرد كردویەتی تەنها بۆ ئەوەی خەڵكی كوردستان كوردایەتی و بارزانی ڕیفراندۆم یان لە پێش چاو بكەوێت، كەچی هەولێر و دهۆك و زاخۆ و سیمێل و ئاكری و بەردەڕەش و سۆران ڕیفراندۆمێكی تریان ئەنجام دایەوە، بۆ پشتیوانی لەسەرۆك و ئاڵاكەیان
خەیاڵتان خاوە سەرۆك و ئاڵاو كوردایەتی سیانەیەكن هیچیان بێ ئەویتر ناژین و بڕیاریان داوە جگە لەخودا بۆ كەس خۆ ناچەمێنن .
