زاری كرمانجی:
دوای ئهوهی چهكداره حووسییهكانی یهمهن بۆردومانی كهشتییهكی بازرگانی ئهمهریكا له دهریای سوور دهكهن، فهرماندهیی ناوهندی سوپای ئهو وڵاته رایدهگهیهنێت، هیچ زیانێكی گیانی و ماددی لهو هێرشهدا تۆمارنهكراوه.
فهرماندهیی ناوهندیی سوپای ئهمهریكا له رۆژههڵاتی ناوهڕاست (سێنتكۆم)، لهمیانهی راگهیهندراوێكدا ئاماژه بهوه دهكات، رۆژی پێنجشهممهی رابردوو، چهكداره حووسییهكانی یهمهن كه ئێران پاڵپشتییان دهكات، كهشتییهكی بازرگانییان له دهریای سوور كردهئامانج.
ههروهها له راگهیهندراوهكهدا هاتووه، له رێگهی دوو مووشهكی بالیستی، حووسییهكان كهشتییهكی بازرگانی ئهمهریكی كه ئاڵای دوورگهی مارشاڵی ههڵكردبوو و یۆنانیش ئیدارهی دهكات، بۆردومان دهكات و تیمی سهر كهشتیهكه ههستیانكرد مووشهكهكان له نێو ئاودا له تهنیشت كهشتیهكه كهوتنه خوارهوه و هیچ زیانێكی گیانی و ماددی رووی نهدا و كهشتیهكه بهردهوام بوو له رۆیشتن.
بهرهبهیانی رۆژی (ههینی 12ـی كانوونی دووهمی 2024) وهزارهتی بهرگری ئهمهریكا (پێنتاگۆن) رایگهیاند، نزیكهی 10 هێرشی ئاسمانیان بههاوبهشی لهگهڵ هێزه ئاسمانییهكانی بهریتانیا بۆ سهر پێگه و جبهخانهی چهكداره حوسییهكانی یهمهن له چهند شارێكی ئهو وڵاته ئهنجامداوه.
