جبار عبداللە مهاجیر
سەدان ساڵ کاری شۆڤینییەكان و خائینانی کورد، کوشتن و زیندەب ەچاڵکردنی کورد بووە بەڵام ئیرادەی کورد هەربە هێز بووە، سەرۆک بارزانی لەتەمەنی لاوێتی خۆیدا بووە قەڵغانێکی پۆڵاین لەبەردەم نەیارانی کوردو دوژمنانی ناچارکرد بیرلەدانوستاندن و گفتگۆ بکەن لەگەڵ ئەو سەرکردە خۆنەویستە، هەردەم خۆی بەخزمەتکارو پشمەرگەی ئەو گەلە زانیووە قەد ڕۆژێک لەڕۆژان خۆی وەکو ئاغاو کوێخا پیشان نەداوە، ئەمەش بووە هۆکارێک کەگەلی کورد دوای بکەون و بەئیرادەیەکی بەرز شۆڕش و خەبات بکەن.
گەلی کورد وەک نەتەوەیێک خاوەنی دەیان داستانە لەڕاوەدوونانی ستمکاران و خوێنمژانی کورد، هەرچەند تۆپ و تەیارەمان بێنەسەر کورد هەر ئەو کوردەیە کەلەڕابردوو چۆکی بەدوژمنداداوە، سەرۆک بارزانی وتەیەکی هەیە دەڵێت” تێرنەبوون لەبرسیکردن و ئازاردانی کورد تەبعەن ئەو وتەیە بەسە بۆ دوژمنان ئەگەر تێبگەن، بەڵام دیارە تێناگەن هەر بەردەوامن لەچاوی تەماحکاری و چەوساندنەوەی کورد و برسیکردنی،دڵنیابن چەند بەردەوامبن لەسەر ئەو شێوازە سیاسەتە دیکتاتۆریە ڕۆژێک دێت ملتان شۆڕدەکەن و ناچاردەبن دیسان داوای چارەسەری کێشەکان لەسەرۆک بارزانی بکەن.
دوژمنان سەدان ساڵە ئەو شێوازە سیاسەتە پەیڕەو دەکەن دژی کورد و کوردستان بەموشەک و برسیکردن و کمیابارانکردنی خەڵکی سڤیل بەس بۆئەوەی ئیتر کورد لاوازببێت و دەسبەرداری ئەو خاکەبێت و سوخرەی بێگانەیی بەسەردا بسەپێنن، لەبەردەم کۆمەڵگای نێودەوڵەتی هەرچی کارەساتی نا مرۆیی هەیە لەجیهاندا بەسەری کوردتان هێنا، کەس وەڵامی نەدانەوە جگە لەئیدانەکردن، هەرچەند تێبینی دەکەم ئەو بڕگەو خاڵانەی تایبەتن بەمافەکانی مرۆڤ لەجیهاندا هیچ سەرەدەری لێدەرناکەم تەنها ئەوەی بۆم ڕوون بۆتەوە ئەوەیە ئەوخاڵانە شمولی گەلی کورد ناکات و کۆمەڵگای نێودەوڵەتی و ڕێکخراوە جیهانیەکان دووڕوو بێباکن لەئاست گەلێکی ئازادی خوازو کۆڵنەدەر.
ڕووی ڕاستەقینەی دەوڵەتە زلهێزەکان لەبەردەم چارەنوسی گەلان دوولایەنەیە ئەگەر بەنمونە کورد و ئسڕائیل وەربگرین دەبینین چۆن بۆ گەلی ئسڕائیلی هاتنە سەرخەت و بەرگریان لێکرد بەڵام بۆکورد تەنها خاوەنی پەیامێکی ڕزیوون کەگوێشی بۆناگرن، بۆیە کورد ئیتر دەبێت خۆی بەدووربگرێت لەبەرامبەر داخوازی ئەو دەوڵەتانەی کەبۆ بەرژەوەندی خۆیان لەناوچەکەدا بوونیان هەیە، ئەگەر ئەمانە سودو قازانجیان بۆکورد هەبوایە ئیستا کورد خاوەنی دەوڵەتی خۆی دەبوو کەس نەیدەتوانی سنوری خاکەکەی ببەزێنێت و یاخود داگیری بکات.
تەنها یەکگرتن و یەکڕیزی نێوماڵی کورد دەتوانێت کورد بەرەو دەوڵەتبوون ببات و کەسیش ناتوانێت ئەو مافە لەکورد زەوتبکات.
