رێبوار حەمەلاو شوانی
ئاشکرایە ، ساڵانە کۆڕبەندنی ستراتیژی ئابووری جیهان کە تەنها پرسی ئابووری لە خۆی ناگرێت بەڵکو چەندین پرسی گرنگی وەک ئاسایش و سیاسی و ئەمنی و کۆمەڵایەتی و کەشوهەواش بەتایبەتی تەوری گرنگی ئەو کۆڕبەندە چوار رۆژەیە کە بۆ ئەمساڵ زیاتر لە 100 سەرۆک وەزیر و وەزیرانی دەرەوە و پسپۆر و ئاکادێمی بوارە جیاوازەکان بەشداریان تێیدا کردووە ، لە بارودۆخێکی هەستیاری وەک ئێستادا کە ناوچەکە و جیهان بە سەریدا گوزر دەکات بە تایبەت جەنگی رۆژهەڵاتی ناوەڕاست و ئۆکراینا و پرسی ئابووری و وزە و کەشوهەوا بە سەڕەکیی ترین ئەو پرس و تەوەرانە هەژمار دەکرێت کە لە دیدار و گفتوگۆ و پانێڵەکان ئەو کۆڕبەندە گرنگە کە لە بۆ ساڵی 2024 بەڕێوەدەچێت و هەرێمی کوردستانیش بەڕێگەی بانگهێشتنی بەفەرمی مەسروور بارزانی سەرۆکوەزیرانی کوردستان چەندین دیداری وکۆبوونەوەی گرنگ ساز دەدات بەتایبەتی کە بوۆ ئەمساڵ گرنگی بەهاوکاری وداهێنان وخۆڕاگری و متمانە لە نێو ناوچەیەکی پڕ کێشە و ئاڵۆزی دەدرێت کە هەرێمی کوردستانیش بەدەر نەبووە لە کاریگەر هێرش و پەڵاماردانەکان بەهۆی رووداو و ململانێیەکان و جەمسەربەندییەکانی ناوچەیی.
ئەمڕۆ بەتایبەتی تەوەری سەڕەکی ئەم کۆڕبەندە هەڵوەستەکردن و ڕژدبوونە لە سەر ئاسایشی جیهانی و گەشەسەندنی ئابووری و ئینجا پرسی وەزە ، تا لەڕێگەی هەموو ئەو دیدار وگفتوگۆیانە کار بۆ دۆزینەوەی چارەسەری و پرسە هەستیارو چارەنووسسازەکان بکرێت و ئاستەنگەکان تێیدا هەڵبگیرێن ،هەروەها تەوەرێکی دیکەش ئەوەیە کە باس لە چەندین پرسی گرنگی تروەک زیرەکی دەستکرد و تەکنەلۆژیا دەکرێت وەک بزوێنەری گەشەسەندنی کۆمەڵایەتی و ئابووری، هەروەها کەشوهەوا و سروشت و وزە و بەرەوپێشەوەبردنی کەرتی تەندروستی وخۆشگوزەرانی کۆمەڵگە لە پێناو چارەسەرکردنی کێشە هەرێمایەتی و جیهانیەکانی تێیدا دەکرێت .
هەروەها چوارچێوەی ئابووری و ڕەخساندنی هەلی کار لە بەرنامەی کۆربەندەکەدایە، لەگەڵ گفتوگۆکردن لەسەر دروستکردنی چوارچێوەیەکی نوێی ئابووری بۆ بەرەوپێشبردنی گەشەکردن و هەلی کار. هەروەها لە کۆربەندەکەدایە باس لە قەیرانە ئەمنییە بەردەوامەکان دەکرێت، وەک ئەوانەی لە ڕۆژهەڵاتی ناوەڕاستدان و بەدواداچوون بۆ ڕێگاکانی زیادکردنی هاریکاری و سەقامگیری دەکرێت. تەندروستی و خۆشگوزەرانی خاڵێکی گرنگی دیکەیە، لەگەڵ گرنگیدانێکی نوێ بە بەرەوپێشبردنی تەندروستی و خۆشگوزەرانی، ئەمەش ئاماژەیە بۆ ڕێبازێکی گشتگیر
بۆ هەرێمی کوردستانیش کۆڕبەندی داڤۆسی لە ساڵی 2024 تایبەتی گرنگی زۆری هەیە بەتایبەت هەموو ئەو ئاستەنگانەی چ لە بواری ئابووری و وزەوە لە پێناو گەشەسەندن وپێشکەوتنی لەلایەن وڵاتانی هەرێمایەتی لە بەردەمی دروست دەکرێت و هەروەها لە رووی کەشواهەوا و ژینگەش و مەترسییەکانی تەکنۆلۆژیا ، ئەو پرسە گرنگانەن کە ڕێزدار مەسروور بارزانی سەرۆکی حکوومەتی کوردستان لەو کۆڕبەندە چ لە ڕێگەی دیداروگفتگۆکان و چ بەڕێگەی پێشکەشکرکردنی ووتارێک دەیخانەڕوو ، هەربوۆیە بەشداریکردن سەرۆکی حکوومەتی کوردستان ڕژدبوون و جەخت لە سەر بەدیههێنانی مافەرەواکانی کورد لەلایەک و لەلایەکی تریش گڕێدان و بەستنەوەی پێشکەوتنەکانی جیهان لەرووی گەشەسەندنی ئابووری وکۆمەڵایەتی لە پێناو بەهێزکردنی پایەکانی هەرێمی کوردستانە .
بۆیە، بەشداریکردنی ڕێزدار مەسروور بارزانی سەرۆکی حکومەتی هەرێمی کوردستان لە کۆڕبەندی ئابووری جیهانی داڤۆس 2024 هەنگاوێکی پڕبایەخ و گرنگ و ستراتیژییە بۆ زیاتر بەرەوپێشبردنی هەردوو گەشەپێدانی ناوچەیی و هاوکاری نێودەوڵەتی، لە پێناو تێکشکاندنی ئاستەنگ و کۆسپەکان و قەیرانەکان لە ناوچەیەکی پڕ کێشە ململانێی بۆ کوردستانێکی بەهێز وداهاتوویەکی گەشتر .
