جبار عبداللە مهاجر
دامەزراندنی پارتی وەرچەرخانێکی گرنگ و مێژوویی بوو بۆ گەلی کورد، دەسکەوتەکان لەوکاتەوە دەستیان پێکردوو کورد پێگەیێکی تری جیهانی و ئەقلیمی بەدەستهێنا، هەر لەکاتی دامەزراندنی تاکو ئەمڕۆ پارتێک بووە موساومەی نەکردوو لەسەر بستێک لەخاکی کوردستان هەمیشە هەوڵی گێڕانەوەی مافە زەوتکراوەکانی خەڵکی کوردستانی داوە، لەکۆنەوە بەئیمڕۆشەوە ناحەزان تموحی ئەوەیان هەبووە پێگەیەکی وەکو پارتیان هەبێت لەناوچەکەدا بۆیە بەردەوام لەهەوڵی جۆربەجۆردان بۆ لاوازکردنی سیاسەتی ئەو حزبە، خەڵکی کوردستان ئەگەر لەبیرخۆیان نەبەنەوە دەزانن پارتی چۆن دروست بوو چۆن خەباتی کرد! ئەگەر ڕۆنکردنەوە بدەین بۆ نەوەکانمان کەپارتی چ دەسکەوتێکی بەدەستهێناوە ئەوە دەتوانین ڕووی ڕاستەقینەی لاینەکانی تر پیشانیان بدەین کەجگە لەدژایەتی و فرۆشتنی خاک هیچ ڕۆڵێکیان لەبونیاتنانی کوردستانێکی ئارامدا نەبووە.
لەخەڵکی کوردستان دەپرسم ئەو هێزانە کامانەن کەدەیانەوێت شوێنی پارتی پڕبکەنەوە باشتر لەپارتی بەرگری لە خاک و نشتیمانێک بکەن کەپارتی خوێنی بۆ ڕشتووە و ئازادی بۆ فراهم کردووە، دڵنیابن ئەوانەی لەڕۆژانی ئازادی لەدایک بوون و دامەزران لەڕۆژانی تەنگانە بەدژایەتیێک دەروخێن و ئاسەواڕیان نامێنێت ئیستاش واخۆیان پیشان دەدەن کەخۆیان خەباتی شارو شاخیان کردبێت، هەرچەند خیانەت و پیلانگێڕی بەرامبەر پارتی بکەن پارتی هەر بەهێز دەبێت و ناکەوێتە سەر ئەژنۆ بۆ هیچ کەسێک و لایەنێک، خەڵک تێڕوانینی بەهێزە لە بەرامبەر ئەو هەڵوێستانەی کە هندێک لەلایەنەکان پەیڕەو دەکەن لەدژی پارتی.
ڕۆژانی ڕابردوو وەک بیرەوەریێکی مێژووی لەبیرو هزری هەرکوردێکی بەشەڕەف ماوەتەوە کەپارتی چی کردووە بۆ کوردستانیان ئازادی و سەربەستی و خەباتی چەند ساڵەی شاخ لەسایەی پارتی و سەرکردایەتی ئەو حزبەوەبوو، تەنها ئەو کەس و لاینانەی لەڕابردوو تاکو ئەمڕۆ بەردەوامن لەموزایدەکردن بەپارتی و سەرکردایەتی ئەو حزبە دەیانەوێت ئەو ڕاستیانە لەبیر خەڵکی کوردستان ببەنەوەو کورد بگەڕێنەوە بۆ ڕۆژانی ڕابردوو کەڕۆژانێک بوون پڕبوون لەکارەساتی تراژیدیاو دەربەدەری و ماڵوێرانی بۆگەلی کوردی قارەمان.
ئەوانەی ململانێ لەگەڵ پارتی دەکەن پێویستە شۆڕشێکی سەد ساڵی لەشاخ بەرپابکەن تاکو دەتوانن بێنە مەیدان و داوای دەسهەڵات بکەن، بەدیلی پارتی بوونی نیەو هەرپارتیە پارێزەری خاکی کوردستان و ئەو دەسکەوتانەی لەڕابردوو بەخوێنی هەزاران ڕۆڵەی کورد بەدیهاتوون، باشترین بژاردە بۆلایەنەکان بۆئەوەی پێگەی خۆیان بەهێزبکەن لەنێو خەڵک، ئەوەیە پاڵپشتبن لەو بڕیارانەی کەلەسەرکردایەتی پارتی دەردەچن دژی ئەو حکومەت و لایەنانەی کەدوژمنی کوردن.
