زاری كرمانجی-مێرگەسۆر:
پەیمانگەی تەكنیكی مێرگەسۆر 3 بەشی ناوخۆیی هەیە و لەو بەشە ناوخۆیانە زیاتر لە 100 قوتابی دەمێنەوە، ئەمڕۆ دەزگای خێرخوازیی بارزانی 80 سۆبە و دۆلابی بۆ ئەو بەشەناوخۆیانە دابین كرد.
د. تالب محەممەدشەریف عومەر، ڕاگری پەیمانگەی تەكنیكی مێرگەسۆر، بۆ زاری كرمانجی دەڵێت: وەكو پەیمانگە 3 بەشە ناوخۆییمان هەنە، لەو بەشە ناوخۆیانە زیاتر لە 100 قوتابی دەمێنەوە.
ڕاگری پەیمانگەی تەكنیكی مێرگەسۆر، دەشڵێ: ئەو بەشە ناوخۆیانە هیچ گرفتێكی وایان نییە كە شایەنی باس كردن بێت، بەتایبەتی بەشە ناوخۆیی كچان، هیچ گرفتیان نییە و هەموو پێداویستییەكیان بۆ دابینكراوە.
د. تالب محەممەدشەریف عومەر، ڕاگری پەیمانگەی تەكنیكی مێرگەسۆر، گوتیشی: ئەمڕۆ دەزگای خێرخوازیی بارزانی 40 سۆبەی تۆربۆ و 40 دۆلابی بۆ بەشە ناوخۆییەكان دابین كرد، سوپاسی دەزگاكەش دەكەین هەر كاتێك داواكاریەكمان لێ هەبێت بە دەم داواكارییەكەمانەوە هاتووە و كەلوپەلی پێویستی بۆ پەیمانگەكەمان دابین كردووە.
