زاری کرمانجی – سۆران:
ئهنتۆنی بلینكن، وەزیری دەرەوەی ئەمریکا بە سەردانێک دەگاتە رۆژهەڵاتی ناوەڕاست، کە ئەمە چوارەمین سەردانیەتی لە سەرەتای شەڕی نێوان ئیسرائیل و حەماسەوە.
ئەمڕۆ پێنجشەممە 4ی کانوونی دووەمی 2024، ئاژانس فرانس پرێس لە زاری بەرپرسێکی ئەمریکییەوە بڵاویکردەوە، ئەنتۆنی بلینکن، وەزیری دەرەوەی ئەمریکا، بە سەردانێک دەگاتە رۆژهەڵاتی ناوەڕاست و سەردانی ئیسرائیلیش دەکات.
سەردانەکەی بلینکن بۆ رۆژهەڵاتی ناوەڕاست لە کاتێکدایە کە ماوەی سێ مانگە شەڕ لە نێوان ئیسرائیل و حەماس بەردەوامە.
بەرپرسە ئەمریکییەکە راشیگەیاندووە، سەردانەکەی بلینکن چەند کاتژمێرێک دەخایەنێت و ئێوارەی پێنجشەممە دەگەڕێتەوە.
ئەمە پێنجەمین سەردانی فەرمی بلینکن دەبێت بۆ ئیسرائیل، هەروەها چوارەم سەردانیشیەتی بۆ ناوچەکە، لە سەرەتای سەرهەڵدانی شەڕی نێوان ئیسرائیل و بزووتنەوەی حەماس لە 7ـی تشرینی یهكهمی 2023ـەوە.
