ئیدارەی سۆران شەوی سەری ساڵی بە ئارامی بەڕێ كرد و لە هەولێر یش 54 كەس بریندار بوون

زاری كرمانجی- سۆران :

نەخۆشخانەی ئاشتی ڕاگەیاند لە شەوی سەری ساڵدا هیچ بریندارێك نەهێنراوەتە بەشی فریاكەوتن .
ڕێبوار سەیفەدین بەرپرسی بەشی فریاكەوتن لە نەخۆشخانەی ئاشتی فێركاری سۆران بە زاری كرمانجی ڕاگەیاند ” لە شەوی سەری ساڵدا هیچ حاڵەتێكی برینداربوون بەم بۆنەوە نەهێنراوەتە بەشی فریاكەوتن.”
هاوكات بەڕێوەبەرایەتیی تەندروستیی هەولێر لە ڕاگەیاندراوێكدا برینداربوونی 54 كەسی بە هۆكاری جیاواز لە شەوی سەری ساڵدا ڕاگەیاند و گوتی “10 تیمی تەندروستی لە ئامادەباشی دابوون بۆ هەر حاڵەتێكی نەخوازراو و لە شەوی سەری ساڵدا چارەسەری پێویستیان بۆ 54 حاڵەتی برینداربوونی جۆراوجۆر كردووە.”