شەهلا رەشید- زاری كرمانجی :
لە ئامارێكدا كە لەلایەن بەشی ئاماری نەخۆشخانەی ئاشتی و فێركاری تایبەت دراوە بە زاری كرمانجی، تەنیا لە ماوەی مانگی رابردوو زیاتر لە یانزە هەزار نەخۆش سەردانی نەخۆشخانەی ناوبراویان كردووە.
شاسوار رەسول، بەرپرسی ئاماری نەخۆشخانەی ئاشتی و فێركاری، بە زاری كرمانجی راگەیاند” ئاماری یەك مانگی رابردووی ئەو كەسانەی بە مەبەستی چارەسەركردن سەردانی نەخۆشخانەی ئاشتی و بەشی فریاكەوتنیان كردووە 11342 كەس بوونە.
نەخۆشەكان بە گشتی سەردانی ئەو بەشانەی خوارەوەیان كردووە
- تاقیگە 46830
- تیشك 2138
- تەختیتی دڵ 663
- سۆنەر603
- بەشی ستی سكان 477
- ئیكۆ 385
- نەشتەرگەری183
- قەستەرە 11
- شەبەكە و باڵۆن 6 كەس.
ئەوەشی خستەڕوو” بەهۆی رووداوەكانی هاتووچۆ 24 بریندارمان هەبووە، 15 حاڵەتی سووتان، هەروەها 352 نەخۆش لە نەخۆشخانەی ئاشتی خەوێندراون و 9 حاڵەتی مردنیش هەبووە بە نەخۆشییە جیاجیاكان .
