مەهدی محەممەد – زاری كرمانجی :
گەنجێكی كوردی پەیڕەوی ئایینیی یارسان، بە تۆمەتی كوشتنی بەرپرسێكی ئیتلاعاتی ئێرانی لە سێدارە درا.
ڕەزا ڕەسایی تەمەن 34 ساڵانی خەڵكی كرماشان ی ڕۆژهەڵاتی كوردستان، بە تۆمەتی كوشتنی نادر بەیرامی، بەرپرسی ئیتلاعاتی سوپای پاسدارانی شاری سەحنە، لەلایەن دەزگای دادوەری كۆماری ئیسلامی ئێرانەوە سزای لەسێدارەدانی بەسەردا سەپێنراو، دوێنێ یەكشەممە 24ـى كانوونی یەكەمی 2023، لەلایەن لقی ١٧ـى دیوانی باڵای كۆماری ئیسلامی ئێرانەوە سزای لەسێدارەدانی پشتڕاست كرایەوە .
ڕێكخراوی مافی مرۆڤی هەنگاو بڵاویكردەوە ڕەزا ڕەسایی، ڕۆژی هەینی 24ـى تشرینی دووەمی 2022 لە شاری كەرەج لەلایەن هێزە ئەمنییەكانی ئێران دەستبەسەر كرا و دوای ساڵ و مانگێك مانەوە لە بەندیخانە و بە ددانپێدانانی زۆرەملێی و ئەشكەنجە كردنی بەردەوام و بێ هیچ بەڵگەیەك لە ڕووی یاسایەوە، سزای لەسێدارەدانی بەسەردا جێ به جێكرا .
