زاری كرمانجی-سۆران
ئیبراهیم حەمەدەمین لێرەبیری، ناسراو بە ئیبڕاهیم حەمكۆ، بۆ زاری كرمانجی باس لەو شەڕو بەرگریانەی خاكی كوردسان دەكات كە تێیدا بەشداری كردووە و دەڵێ:” هەموو ئەو شەڕو داستانانەی كە تۆمار كراون بۆ ئەمڕۆ بوو كە لە ئێستادا بە ئاشتی و ئارامی لە كوردستاندا دەژین.
ئیبراهیم حەمەدەمین لێرەبیری، بۆ زاری كرمانجی دەڵێت: ” لە ساڵی ١٩٥٧ لە سۆران لە دایك بووم و پێشمەرگەی شۆڕشی ئەیلول و گوڵانم, سێ جار لە بەرەكانی جەنگ بریندار بوومەو ٤٧ساڵە پێشمەرگەم لە چەندین داستانی مێژووی بەشداریم كردووە كە بەسەرپەرشتی سەرۆك بارزانی بوون، یەكێك لەم داستانانە شەڕی چیای خواكوڕك بوو، داستانی خواكوڕك داستانێكی مێژوویە كە گەلی كورد شانازی پێوەدەكات بە سەرپەرشتی سەرۆك بارزانی بوو، كە دەكەوێتە سنووری سێگۆشەی وڵاتانی ئێران-توركیا- عێراق، ڕژێمی بەعس پاش ڕاگرتنی شەڕ لەگەڵ ئێران، هێزێكی گەورەی سەربازی هێنایە دۆڵی خواكوڕك لەم شەڕە گەورەترین زیانمان لە رژێمی ئەوكاتی عێراق دا.”
ئیبراهیم حەمكۆ، گوتیشی:” لە میحوەری نازدارداخ كە دەكەوێتە سەروی دۆڵی خواكوڕك من لەم جەبهەیە بەشدار بووم و چوار تۆپمان دانابوو كە سێیان ١٢٠ملم بوون و ئەوانی تریش ٨١ملم بوون و هێزی دوژمن لە هەموو گوندەكان لەژێر ئاگری ئێمە بوون”.
دەشڵێ:” هەروەها لە سەر فەرمانی سەرۆك بارزانی بەشداری داستانی كۆڕێم كرد و 60 قارەمانی ترم لەگەڵم دابوون، كە سەرۆك بارزانی خۆی سەرپەرشتی بەرەی جەنگی دەكرد، بووە هۆی ئەوەی كە دەستكەوتێكی مەزن بەدەست بهێنین و رژێم ناچار بوو دان بە مافی گەلی كوردستان بنێ و حكوومەت پەرلەمانی كوردستانی لێكەوتەوە، بۆیە دەڵین كوردستان قەرزداری رۆڵی حەكیمانەی جەنابی سەرۆك بارزانییە و لەم داستانەش بریندار بووم و قادر عبدوڵا دۆڵەمەریش شەهید بوو”.
ئیبراهیم حەمەدەمین، لە بارەی شەڕی داعش دەڵێت: شەڕی داعش هەموو دەزانین كە دڕندەترین شەڕ بوو بۆ گەلی كورد و جیاوازی زۆری هەبوو لەگەڵ شەڕەكانی دیكە و كاتێك شەڕی داعش دەستی پێكرد لەگەڵ كۆمەلێك لە پێشمەرگەكان لە لەسەر داوات فەرماندە مەنسور بارزانی، ڕۆژی یەكەم چووین بۆ سێڕیانی موسڵ، واتە لەگەڵ لەشكری تایبەتی یەك چووین بۆ شەلالات لە تلكیف دیار بوو، كە 9 رەبایەی زێرەڤانی لەلایەن داعش گیرابوون، ئێمە لەگەل هەندێك پێشمەرگە لە سوپای بارزان و لەشكری تایبەت توانیمان هەموو ڕەبایەكان لە دەست دوژم ئازاد بكەین، بە برینداربوون و شەهیدبوونی چەند شەهیدێكمان سەركەوتنمان تۆمار كرد، پێش ئەوەی هێزی هاوپەیمانان بەشدار بن لەگەڵمان یەكەم جار بوو داعش تێك بشكێندرێ لەم میحوەرە، فەرماندە مەنسور بارزانی هاتە سێریانی بەدریك كە ٢٩ كیلۆمەتر لە دهۆك دوورە، هێزی تایبەت و سوپای بارزان و هێزی فەرماندە رەوان بارزانی لەم شوێنە جێگیر كرد و ڕێگەمان بە دوژمن گرت و پێشمەرگە سەركەتن لەدوای سەركەتنی تۆمار دەكرد”.
لە دوا قسەكانیدا ئیبڕاهیم حەمكۆ دەڵێت ” هەموو ئەو شەڕو داستانانەی كە تۆمار كراون بۆ ئەمڕۆ بوو كە لە ئێستادا بە ئاشتی و ئارامی لە كوردستاندا دەژین و بۆ سەربەخۆ بوونی كوردستانە، لەسەر دەستی سەرۆك بارزانی.
