نێچیرڤان بارزانی سەرۆكی هەرێمی كوردستان، پیرۆزبایی لە عەبدولفەتاح سیسی سەرۆك كۆماری میسر دەكات و نامەیەكی بۆ دەنێرێت.
ئەمڕۆ چوارشەم 20ـی كانوونی یەكەم، نێچیرڤان بارزانی سەرۆكی هەرێمی كوردستان، لە نامەیەكدا بۆ عەبدولفەتاح سیسی سەرۆكی كۆماری میسری عەرەبی، پیرۆزبایی هەڵبژاردنەوەی بە سەرۆكی میسر لێ كرد و هیوای سەركەوتنی بۆ خواست.
لە نامەكەیدا نێچیرڤان بارزانی دووپاتی كردووەتەوە، هەرێمی كوردستان خوازیارە لە ماوەی داهاتووی سەرۆكایەتیی سەرۆك سیسیدا، برەو بە پێوەندییەكانی لەگەڵ میسردا بدات و هیوای بەردەوامیی ئارامی و سەقامگیری و پێشكەوتنی زیاتری بۆ گەلی میسری خواستووە.
