ئوسامە نیعمەت-زاری کرمانجی
نووسینگەی پاسپۆرتی سۆران، دانیشتوانی ئیدارەی سەربەخۆی سۆران ئاگاداردەکاتەوە پاسپۆرتەکانیان ببەنەوە.
ئەمڕۆ سێ شەممە 19ی کانوونی یەکەمی 2023، عەقید بەختیار نیعمەت، بەڕێوەبەری نووسینگەی پاسپۆرتی سۆران بە زاری کرمانجی راگەیاند ” ئەو کەسانەی پەنجەمۆریان لە مامەڵەی پاسپۆرتی جۆری Aکردووە، پاسپۆرتەکانیان تەواو بووە”.
بەڕێوەبەری نووسینگەی پاسپۆرتی سۆران ئاماژەی بەوەشدا ” ئەو کەسانەی پێش رێکەوتی 6-12-2023 پەنجەمۆریان کردووە،پاسپۆرتەکانیان تەواو بووەو دەتوانن وەری بگرنەوە”.
لەبارەی کاتی سەردانیکردنیش گوتی، لە هەموو رۆژانی دەوامی فەرمی لە کاتژمێر 8:00ی بەیانی تاکو کاتژمێر 2:00ی دوای نیوەڕۆ دەتوانن سەردانمان بکەن پاسپۆرتەکانیان ببەنەوە.
