زاری كرمانجی-سۆران:
وەزارەتی ناوخۆی حكوومەتی هەرێم، 165 پلەی دامەزراندن وەكو پۆلیسی گەشتیاری بە گرێبەست ڕادەگەیەنێت.
وەزارەتی ناوخۆی حكوومەتی هەرێمی كوردستان، ئەمڕۆ دووشەممە 18ی12ی2023 بڵاویكردەوە، لەسەر ڕەزامەندی مەسروور بارزانی، سەرۆكی حكوومەتی هەرێمی كوردستان، 165 پلەی دامەزراندن وەكو پۆلیسی گەشتیاری بە گرێبەست ڕادەگەیەنین.
وەزارەت، رایدەگەێنێت، ئەو پۆلیسانە بۆ خزمەتكردن لە دەستەی گشتی گەشتوگوزار لە وەزارەتی شارەوانی و گەشتوگوزار دادەمەزرێن و هەر یەكەیان لە سنووری بەڕێوەبەرایەتی گشتی گەشتوگوزار لە پارێزگا و ئیدارە سەربەخۆكان لە شوێنە گەشتیارییەكان خزمەت دەكەنز
وەزارەتی ناوخۆ ئاماژەی بەوەشكردووە، پلەكان بەم جۆرەی خوارەوە دابەش دەكرێن:
بەڕێوەبەرایەتی گشتی گەشتوگوزاری هەولێر (30) سی پلە ، بەڕێوەبەرایەتی گشتی گەشتوگوزاری سلێمانی (30) سی پلە. بەڕێوەبەرایەتی گشتی گەشتوگوزاری دهۆك (25) بیست و پێنج پلە، بەڕێوەبەرایەتی گشتی گەشتوگوزاری هەڵەبجە (15) پانزە پلە.
بەڕێوەبەرایەتی گشتی گەشتوگوزاری سۆران (20) بیست پلە، بەڕێوەبەرایەتی گشتی گەشتوگوزاری گەرمیان (15) پانزە پلە، بەڕێوەبەرایەتی گشتی گەشتوگوزاری ڕاپەڕین (15) پانزە پلە، بەڕێوەبەرایەتی گشتی گەشتوگوزاری زاخۆ (15) پانزە پلە.
هەروەها ئاماژە بەوەشكراوە، ئەوانەی ئەم مەرجانەی خوارەوەیان تێدایە دەتوانن بۆ كێبڕكێ كردن لەسەر وەرگرتن زانیارییەكانیان تۆمار بكەن:
تەمەنی لە 18 هەژدە ساڵ كەمتر نەبێت، لە بیست و حەوت ساڵ زیاتر نەبێت، خوڕەوشت و ڕەفتار و ناوبانگی باش بێت و بە هیچ كام لە تاوانەكانی ئابڕوبەر سزا نەدرابێت، بڕوانامەی (ئامادەیی گەشتیاری یان پەیمانگەی گەشتیاری) لە یەكێك لە دامەزراوە باوەڕ پێكراوەكانی هەرێمی كوردستان بەدەست هێنابێتز
وەزارەتی ناوخۆ راشیگەیاندووە، لە مەرجەكانی باڵا و تەندروستی پێویست بۆ بوون بە پۆلیس دەربچێت، ئەولەویەت دەدرێتە كچ و كوڕی شەهیدان و ڕەچاوی هاوسەنگی ڕەگەز بە گوێرەی تایبەتمەندی ئەركەكە دەكرێت لە كاتی دیمانەكردن بۆ وەرگرتن، ئەو هاووڵاتییەی لە پاڵ زمانی كوردی، زمانی عەرەبی یان ئینگلیزی یان هەردووكیان بزانێت، پێشینە (اولویەت)ی لە وەرگرتن دەبێت.
سەردانی ئەم لینكە بكەن بۆ داواكردنی دامەزراندن:
https://forms.gle/BKPmTvn1qxEbmyfU6
