بهختیار سهباح- زاری كرمانجی:
ئهو گهنجهی پێش 20 رۆژ له شاخی كارۆخ كهوته خوارهوهو به سهختی بریندار بوو، ئهمڕۆ نهخۆشخانهی جێهشت و گهڕایهوه ماڵهوه.
ئێوارهی ڕۆژی 19 تشرینی دووهمی 2023، گهنجێك بهناوی (هەردی حاجی یاسین) خهڵكی گوندی سهرانی سهر به قهزای ڕواندز، له شاخی كارۆخ كهوته خوارهوهو زۆر به سهختی بریندار بوو.
دوای بیست ڕۆژ بێهۆشبوون و مانهوه له نهخۆشخانه، ئهمڕۆ ئێواره 9ی كانوونی یهكهمی2023، گهڕایهوه ماڵهوهو ئێسته باری تهندروستی باشه.
ئهو گهنجه پیشهی شوانكارهو له گوندی سهران دادهنیشێت، بۆ لهوهڕاندنی ماڵاتهكهی دهچێته شاخی كارۆخ، بههۆی باران بارینی زۆرو تهڕبوونی شاخ دهكهوێته خوارهوهو به سهختی بریندار دهبێت، دواتر بۆ چارهسهركردن ڕهوانهی نهخۆشخانهیهكی ههولێر دهكرێت و ماوهی بیست رۆژ بێ هۆش دهبێت.
