زاری كرمانجی- سۆران:
بە داخەوە ئێوارەی رۆژی هەینی 8ی 12ی 2023، لە ئاکامی ئاگرکەوتنەوە لە باڵەخانەیەکی شاری سۆران، 14 کەس گیانیان لەدەستدا و 7کەسیش برینداربوون.
دەزگای خێرخوازیی بارزانی سەرەخۆشی ئاراستەی کەسوکاری قوربانیانی ئەو رووداوە دڵتەزێنە دەکات و لە خوای گەورە داواکارە ئەوانەی لە رووداوەکە گیانیان لەدەستدا بە بەهەشتی بەرینی خۆی شاد بکات. هاوکات هیوای شیفا و چاکبوونەوەش بۆ بریندارانی رووداوەکە دەخوازێت.
لێرەوە رایدەگەیەنین دەزگای خێرخوازیی بارزانی، ئامادەیە بە هەموو شێوەیەک هاوکاری پێشکەش بکات و خزمەتی کەسوکاری قوربانیان و زیان لێکەوتووانی رووداوەکە بکات.
