بەختیار سەباح – زاری كرمانجی :
ئەمڕۆ دووشەممە 27 ی تشرینی دووەمی 2023، وەفدێكی هەرێمی كوردستان، سەردانی بەغدادی كرد، بە مەبەستی چارەسەركردنی كێشەی مووچەی فەرمانبەرانی هەرێم و چەند پرسێكی تر.
بەپێی سەرچاوەیەكی ئاگادار لە دانوستانەكانی هەرێم و بەغدا، وەفدی ھەرێم نزیكە لە رێككەوتن لەگەڵ بەغداد، حكومەتی ناوەند سێ قەرزی دیكە بە بڕی ٧٠٠ ملیار دینار رەوانەی ھەرێمی كوردستان دەكات.
ئاماژە بەوەشكراوە، ناردنی ئەو سێ قەرزە بۆ مووچەی مانگەكانی ( ١٠ ، ١١ ،١٢ ) فەرمانبەرانی ھەرێمە و لە دوای سەری ساڵەوە رێككەوتنێكی نوێ دەكرێت بۆ دابینكردنی مووچە.
