پشتیوان كەریم – زاری كرمانجی :
نەوت فرۆشێك لە سەنتەری قەزای ناوەندی سۆران، لە بارەی نرخی نەوتی سپی ماڵان بە زاری كرمانجی ڕاگەیاند:” لەسەرەتای ئەم هەفتەیە نرخی نەوتی سپی لەبازاڕەکانی نەوت فرۆشاندا ڕووی لە بەرز بوونەوە کردووە چەند جۆرێک نەوتیش کڕین وفرۆشتی پێدەکرێت .
مەغدید ئۆمەراوەیی نەوت فرۆش، ئەوەشی خستە ڕوو:” لە ئێستادا نرخی یەك بەرمیل نەوتی بەسڕا لە 170 هەزار دینارە بۆ 175 هەزار دینار بەرز بۆتەوە, نرخی یەک بەرمیل نەوتی کورستانیش لە 165هەزار بووە بە 170هەزار دینار بەمەش هەر بەرمیلێک بڕی پێنج هەزار دینار بەرز بۆتەوە، هەر لیترێک نەوتیش بە 800 دینار دەفرۆشرێت لەبازاڕدا
مەغدید ئۆمەراوەیی ئاشکراشیکرد:” هاتنی نەوتی پاڵپشتکراوی حکومەتی هەرێمی کوردستان وایکرد نرخەکە زۆر بەرز نەبێتەوە بەڵام هاتنی وەرزی سەرما خواستی لەسەر نەوت زیادکردووە ”.
