مەهدی محەممەد – ڕواندز :
نرخی كیلۆیەك مریشكی زیندوو لە بازاڕی قەزای ڕواندز، 500 بۆ 700 دینار دابەزی، مریشك فرۆشێكی قەزاكەش دەڵێ چاوەڕێ دەكرێت زیاتر داببەزێت.
هێمن نادر خاوەنی مریشك فرۆشی هەستیار لە ڕواندز باس لە دابەزینی نرخی مریشكی زیندوو دەكات و بە زاری كرمانجی ڕاگەیاند “كیلۆی مریشكی گەورە سێ هەزار و 300 دینارە، بچووك دوو هەزار و 900 دینارە،”
بەراورد بە هەفتەی ڕابردوو نرخی كیلۆیەك مریشكی زیندوو زیاتر لە 500 دینار دابەزیوە و هێمن دەڵێ “هەفتەی ڕابردوو كیلۆی مریشكی گەورە گەیشتبووە 4 هەزار دینار، بەڵام ئێستا نرخی یەك كیلۆ 500 بۆ 700 دینار دابەزیوە.”
