سەرۆک بارزانی پێشوازی لە گه‌وره‌ ڕاوێژكاری به‌رگریی به‌ریتانی له‌ ڕۆژهه‌ڵاتی ناوه‌ڕاست و باكووری ئافریكا و شاندێكی سه‌ربازیی یاوه‌ری دەکات

زاری كرمانجی-سۆران:

ڕۆژی پێنجشەممە 23ی تشرینی دووەمی 2023 لە سەلاحەددین سەرۆک مەسعود بارزانی، پێشوازی لە به‌ڕێز مارشاڵ سامی سامپسۆن گه‌وره‌ ڕاوێژكاری به‌رگریی به‌ریتانی له‌ ڕۆژهه‌ڵاتی ناوه‌ڕاست و باكووری ئافریقا و شاندێكی سه‌ربازیی یاوه‌ری كرد.
لە دیدارەکەدا بارودۆخی سیاسیی عێراق و ناوچەکە و دوا پێشهاتە ئەمنیەکان لەسەر ئاستی عێراق و ناوچەکە تاوتوێ کرا.
هەر لەو دیدارەدا ڕۆشنایی خرایە سەر چاکسازییەکانی وەزارەتی پێشمەرگە وهەماهەنگیی نێوان هێزی پێشمەرگەی کوردستان و هێزی هاوپەیمانان و سوپای عێراقی. شاندی میوان جەختی لە بەردەوامیی پاڵپشتی و هەماهەنگیی نێوان هێزی هاوپەیمانان و هێزی پێشمەرگەی کوردستان کردەوە.