بەختیار سەباح –زاری كرمانجی:
لە ماوەی 24 كاتژمێری رابردوو، لە قەزای رواندز زیاتر لە 32 ملم و لە قەزای مێرگەسۆر 92 ملم باران باریوە.
گەیلان رەشاد، بەرپرسی وێستگەی كەشناسی رواندز بە زاری كرمانجی ڕاگەیاند “لە ماوەی 24 كاتژمێری رابردوو تا ئێسته، لە قەزای رواندز (32.5) ملم باران باریوە، كۆی گشتی باران بارینی ئەمساڵ تا ئەمڕۆ گەیشتە( 153.5) ملم باران”.
لای خۆیەوە محەمەد رەشید، بەڕێوەبەری كشتوكاڵی مێرگەسۆر بۆ زاری كرمانجی گووتی ” لە ماوەی 24 كاتژمێری رابردوو لە قەزای مێرگەسۆر، (92 ) ملم باران باریوە، كۆی گشتی باران بارینی ئەمساڵ گەیشتە (353) ملم ، رێژەی باران بارینی ئەمساڵ زۆر زیاترە”.
ئاماژەی بەوەشكرد، رێژەی باران بارینی ساڵی رابردوو تا ئەمڕۆ (31) ملم، پێرار تا ئەمڕۆ رێژەكە گەیشتە ( 51.5 ) ملم، بە جیاوازی ئەمساڵ رێژەی باران بارین زۆر زیاترە”.
