زاری كرمانجی-سرێشمە
سەرۆكایەتی شارەوانی سرێشمە بڵاوی كردووتەوە: ” وەك پێشبینی كراوە لە چەند ڕۆژی داهاتوو كەش و هەوا گۆڕانكاری بەخۆوە دەبینێ و شارەزایانی ئەو بوارەش هۆشداری دەدەن، كە لە ئێوارەی ئەمڕۆ یەكشەممە بەشێك لەناوچەكانی هەرێمی كوردستان ڕێژەی باران بارین زۆر دەبێت و ڕەنگە لە هەندێ شوێندا مەترسی درووستبوونی لافاو لە ئارادابێت”.
بۆ ئەم مەبەستە پێشتریش لەلایەن كۆمپانیای”باڵ”، بنكەی سرێشمەكە تایبەتە بە كۆكردنەوەی زبڵ و خاشاك، ئامادەكاری پێشوەختە كراوە و بەشێكی زۆری مەنهۆل و قەنتەرەكان پاككراونەتەوەو هەڵمەتەكەش بەردەوامی هەیە”.
ئەوەش خراوەتەڕوو: ” چەند ڕۆژێك لەمەوبەر لە ڕێگەی پڕۆژەی ئاوبەری لولەیی لە گەڕەكی “كاولەسۆت” بەشی پێویستی تەواوكراوە كە ساڵانە بەهۆی بەرزبوونەوەی ئاستی ئاو زیان بەچەند ماڵێكی ئەو گەڕەكە دەگەیشت”.
داواكاریشن لە هاووڵاتییانی سنوری شارەوانی سرێشمەو گوندەكانی دەورووبەری، لە ئەگەری هەر حاڵەتێكی نەخوازراو لە ڕێگەی ژمارە تەلەفۆنەكانی ( ٠٧٥٠٤٦١٨٢٤٠ یان ٠٧٨٢٢٣٥٤٣٦٩) پەیوەندیمان پێوە بكەن تا بتوانرێ بە گوێرەی توانا زیانەكانی لافاوی پێشبینكراو كەم بكەینەوەو لەگەڵ لایەنی پەیوەندار یارمەتی و هاوكاری لە تەرخانكردنی ئامێری پێویست بۆ ئەو شوێنانە بنێرین كە مەترسی لافاویان لەسەرە.
