مستەفا دۆلەمەری – مێرگەسۆر:
لە 24 كاتژمێری ڕابردوودا لە سنووری قەزای مێرگەسۆر زیاتر لە 140 ملم باران باریووە، بەراورد بە ساڵی ڕابردوو هەشت بەرامبەر باران باریوە.
محەممەد رەشید، بەڕێوەبەری كشتوكاڵی مێرگەسۆر، بە زاری كرمانجی راگەیاند: لە 24 كاتژمێری رابردوو لە سەنتەری قەزای مێرگەسۆر 140 ملم باران باریووە و كۆی گشتی بارانبارینی ئەمساڵ گەیشتووەتە 261 ملم باران و ئەمە لە كاتێكدایە ساڵی رابردوو تاوەكو ئەمرۆ 31 ملم باران باریبوو.
