محەممەد مەحموود – سۆران:
بۆ گرنگیدان بە بەروبوومی ناوخۆیی کشتوکاڵ و دیار کردنی بەشێک لە بەرهەمەکان وەکو بابەتی تایبەت مەند، بەڕێوەبەری گشتی کشتوکاڵی سۆران دەڵێت ” لە پلانماندایە بانکی تۆیەکان دروست بکەین.
کامەران حوسێن مامەند، بەڕێوەبەری گشتی کشتوکاڵی سۆران لە دیدارێکی زاری کرمانجیدا تیشکی خستە سەر چەند پرسێکی پەیوەست بەکاری کشتوکاڵی لە سنووری ئیدارەی سەربەخۆی سۆران و گوتی ” بۆ گرنگیدان بە کەرتی کشتوکاڵ لەم سنوورە دروستکردنی بانکی تۆیەکانمان پێشنیار کردووە ، دەمانەوێت لە سنووری ئیدارەی سەربەخۆی سۆران بانکی تۆیەکان دروست بکەین کە هەندێک بەربوومی کوالێتیمان هەبێ و بڕاند بێت، بۆ ئەوەی لە داهاتوودا بتوانین ئەو بەربوومە کوالێتیانەیە کە لێرە لە ئاو هەوایەکی زۆر ساغ و سەلیمەوە گەشە، بتوانین جیاوازیان بکەینەوە لەگەڵ ئەو بەروبوومانەی کە کەمتر پشت بە ماددەی کیمایی دەبەستن.
