پارتی و کوردستانیبوونی کەرکووک

رێبوار حەمەلاو شوانی
کوردستانیبوون لە هزروبیری بارزانی و پارتی یەکێکە لەو ستراتیژە هەرە سەرەکییانەی کە هەمیشە لە پێناویدا باجی گەورەی بەخشیووە و هەردەم جێگەی شانازی وسەروەری بووە ، بۆیە ، هەردەم نەک تەنها بە دروشم بەڵکو بەکردەوە و گیان وخوێن لەگەڵیدا بووە ، ئەمەش وایکردووە کە کەرکووک وکەرکووکییەکان بە هەموو پێکهاتە ڕەسەنییەکانییەوە بە چاوێکی پڕ متمانە و ڕێزەوە بروانە بارزانی و پارتیی و هەردەم بە دڵسۆز و خەمخۆری خۆیان هەژماری بکەن بە تایبەت لەماوەی 6 ساڵی دوای داگیرکاری وخیانەتکردن لە کەرکووک و کوردستان بۆ هەمووان روون بۆتەوە، کە بوونی پارتی واتا سەقامگیری وئاشتی و پێکەوەژیانی راستەقینە دوور زۆرداری و ترس و تیرۆر و تۆقاندن ، واتا گەڕانەوەی متمانە بۆتاک بە تاکی خەڵکی کەرکووک ، بەو واتایەی کە پارتی و بارزانی هەمیشە جگە مۆڕکی کوردستانبیبوونی ئەو شارەی پاراستووە لە هەمانکاتیشدا کەرکووکی بە شاری پێکەوەژیانی هەموو نەتەوە و پێکهاتەکانی ترهەژمار کردووە
سەرۆک بارزانی و پارتی هەمیشە بە چاوێکی پربایەخەوە بۆ پرسی کەرکووک مامەڵەیان کردووە و هەمیشە ئەولەویەت بۆ پێكەوەژیان و كوردستانیبوونیی كەركوك و خزمەتگوزارییە بۆ خەڵكی شارەكە، هەردەم كەركووك و كەركووكییەكانی لە هەموو شتێك لا گرنگتر بووە،پرسی كەركووك بەلای پارتی و بارزانییەوە ، چارەنووسسازە و هەمیشە پارتی لە كەركووك و كەركوكییەكان دەڕوانێت و لەگەڵ هێمنی و ئارامیی و پێكەوەژیانە تێیدا، ئەمەش زامنی خۆشگوزەرانی خەڵکی ڕەسەنی کەرکووکە .
بۆیە ، بۆ گەلی کورد و کەرکووکییەکانیش باش ئەو راستییە دەزانن کە كە کەرکووک و ناوچە دابڕاوەكان واتا پارتی ، بۆیە پێویستە هەموو تاكێكی كورد ئەوێ بە دەنگ بپارێزن.
گرنگە جیاوازیی لە نێوان فۆرم و ناوەڕۆكی هەڵبژاردنەكاندا بكرێت، بزانرێت کەرکووکییەکان چییان دەوێت، تا ئەوەی كە دەیانەوێت بۆیان جێبەجێ بكرێت و بەتایبەت کە لەماوەی چەند ساڵی رابردوو رووبەڕووی سەختی و ئاستەنگی گەورە بوونەتەوە ، هەمیشە پارتی خەمخۆری كەركووك بووە و تاكە حزبە كە لەپێناوی بەرژەوەندیی کەرکووک وکەرکووکییەکان هەموو هەنگاوە پێویستەکان دەنێت.
بەدڵنییاییەوە ، ئامادەبوون و سەرکەوتنی پارتی بەدەنگی کەرکووکییەکان وا دەکات کە جارێکی تر ماف و ئازادییەكان لە كەركووك دووبارە بۆ كورد و دانیشتوانی دیکەی شارەکە بگەڕێنێتەوە، گومانی تێدانییە بۆ هەر كات و ساتێك، پارتی دیموکراتی کوردستان بە پلان و بەرنامەی کوردستانیییانە و کوردانە و کاریگەری ، هەموومان بەرەو ئاسۆیەكی گەشتر هەنگاو دەنێین و بە بوونی پارتی و بەهێزبوونی زیاتر پارێزگاری لە شوناس و کوردستانیبوونی کەرکووک وکەرکووکییەکان دەکات .