زاری كرمانجی-سۆران
سەرۆكی دیوانی ئەنجومەنی وەزیران، لە سەردانێكی مەیدانیدا بۆ ئیدارەی سەربەخۆی سۆران و دەوروبەری و كۆبوونەوەی فراوان لەگەڵ لایەنە پەیوەندیدارەكان، تیشكی خستە سەر لایەنە كارگێڕی و دارایییەكان و كێشەو گرفت و پێشكەشكردنی پڕۆژە خزمەتگوزارییەكان لە سنوورەكە بە هاووڵاتییان.
د. ئومێد سەباح سەرۆكی دیوانی ئەنجومەنی وەزیران، رایگەیاند: ” لە چوارچێوەی فەرمانەكانی سەرۆكی حكوومەت، رێزدار مەسروور بارزانی، ئێمەی ڕاسپاردووە كە لە نزیكەوە لەگەڵ ئیدارە سەربەخۆكان و پارێزگاكان بەدواداچوون بكەین، بۆ ئەو داواكارییانەی كە هەیە چ لە بواری دارایی بێ چ لە بواری كارگێڕی یان یاسایی یان پڕۆژەكان بێت، لەو چوارچێوەیە لە ئیدارەی سەربەخۆی سۆران دەستمان پێكردووە، دواتر لەگەڵ پارێزگای هەولێر و دهۆك و سلێمانی هەڵەبجە و لەگەڵ هەموو ئیدارە سەربەخۆكانی تریش كۆبوونەوە و دیدارمان دەبێت، ئەمە نەریتێكە 2019 وە دەستمان پێكردووە لە دیوانی ئەنجومەنی وەزیران لە چوارچێوەی راسپاردەكانی، سەرۆكی حكوومەت كە دیدارێكی ساڵانەمان ئەبێت، لەگەڵ هەموو ئیدارە سەربەخۆكان كە تێیدا هەموو بەڕێوبەرە گشتیەكان و قائیمقام و بەڕێوەبەری ناحیەكان كۆ ئەبینەوە، بۆ چەند ڕۆژێك دیراساتێكی مەیدانی ئەكەین، بۆ ئەوەی كە كراوە هەڵسەنگاندنی بۆ دەكەین، هەروەها پلانی داهاتووش دادەنێین لەم چوار چێوەیە یەكێك لە شانازیەكان و دەستكەوتەكانی كابینینەوەی نوێی حكوومەتی هەرێمی كوردستان، كە بە فەرمانی جەنابی سەرۆكی حكوومەت ئەنجام دراوە”.
گووتیشی: ” بۆ ماوەی دوو ساڵە ئیدارەی سەربەخۆی سۆران دامەزراوە، هاتین لە نزیكەوە هەڵسەنگاندنی ئەم دوو ساڵەی ڕابردووە بكەین، پلانیش بۆ ساڵی 2024 دابنێین، دەستخۆشانە لە سەرپەرشتیاری ئیدارەو بەڕێوەبەرە گشتییەكان و قائیمقام و بەڕێوەبەری ناحییەكانی ئیدارەی سەربەخۆی سۆران دەكەین، بەپێی ئەو هەڵسەنگاندنەی وەك تیمی ئەنجوومەنی وەزیران كردوومانە، بەرەو پێشچوونی زۆر باش هەیە لەسەر ئاستی كارگێڕی لەسەر ئاستی دامودەزگاكان لەسەر ئاستی پڕۆژەكان، هیوادارین بەردەوامیش بن، ئێمەش بەردەوام دەبین لە پاڵپشتیان”.
سەرۆكی دیوانی ئەنجومەنی وەزیران، ئەوەش دەخاتەڕوو: ” سەبارەت بە بابەتە كارگێڕەكان زۆر گرفتی كارگێڕی هەبوو ڕووبەڕووی ئیدارەی سەربەخۆی سۆران ببووە، هۆكارەكەش ئەوەیە كە ئەم ئیدارەیە تازە دامەزراوە وە زۆر لە هە زۆر شوێن لكاندن هەیە، لە زۆر شوێن پێكەوە دژایەتیكردنی كارگێڕی هەیە لەسەر ئەم بابەتانە، بۆیە بە پێی ئەو دەسەڵاتانەی كە هەمانە لە دیوانی ئەنجوومەنی وەزیران هەوڵمان داوە، ئەم دەسەڵاتە كارگێڕیانە بێنینە خواراوە، سەرپەرشتیار كار لەسەر ئەوە بكەین، كە دەسەڵاتە كارگێڕەكان لە ڕووی لە مەركەزییەوە مامەڵەیان لەگەڵ بكرێ و پاڵپشتی سەرپەرشتیاری ئیدارەی سۆران دەكەین، بۆ ئەوەی هیچ گرفتێكی كارگێڕی تووشیان نەبێت، هەروەها لە ڕووی پێگەیاندنی دام و دەزگاكانەوە ئەم ناوچەیە پێویستی بە زیاتر ئاوڕ لێدانەوە هەیە، زۆربەی داواییەكان دروست بوونە و پێویستە زیاترە كاری لەسەر بكەین”.
د. ئومێد سەباح، ئاماژەی بەوەشدا: ” سەبارەت بە بابەتە داراییەكان كارمان لەسەر كۆمەڵێك بابەت كردووە، ئەو ڕەزامەندییانەی كە دراون ئاراستەی وەزارەت و لایەنە پەیوەندیدارەكان دەكرێن، لە دوای ئاراستكردنی بۆ سەرۆكی حكومەت، هەروەها بابەتی پڕۆژەكانیش لە دوای ئەوەی كە ڕەزامەندی جەنابی سەرۆكی حكوومەت و لایەنە پەیوەندیدارەكان هەبێ وەك وەزارەتی دارایی و وەزارەتەكانی دیكەش بەرز دەكرێتەوە بۆ سەرۆكی حكوومەت و لە دوای ڕەزامەندی كاری لەسەر دەكەین، ئەزموونی باشمانیش هەبوو، لە تەقیمكردنی پڕۆژەكان لە ساڵی (2022-2023) لەو ماوەیە توانیومانە زۆربەی ئەو پڕۆژانە كاری لەسەر بكرێت و خەرجیشیان بۆ بكرێت”.
د. ئومێد سەباح سەرۆكی دیوانی ئەنجومەنی وەزیران، ئاشكراشی كرد: ” لە ماوەی تەمەنی ئەو كابینەیە بۆ ئیدارەی سەربەخۆی سۆران، 93 ملیارو 275 ملیۆن دینار خەرج كراوە بۆ پرۆژەكان، ئەمە ژمارەیەكە جێگەی ئەوەیە كە بڵێین قۆناغی باشی بڕێووە، هەروەك پلان و پڕۆژەی تریش دەبێت، بۆ ئەوەی بتوانین زیاتر خزمەتی خەڵكی خۆمان بكەین.
