موڕشید برادۆستی – زاری كرمانجی:
لیژنەی دیاری كردنی نرخی موەلیدە لە سۆران ئامادەكاری دەكات بۆ دیاری كردنی نرخی ئەمپێری مۆلیدە بۆ مانگی ڕابردوو، بەرپرسێكی كارەبا زانیاری بۆ زاری كرمانجی دەخاتەڕوو ..
وەفا سەعید خان بەڕێوەبەری ئیدارەی بەڕێوەبەرایەتی گشتی كارەبای سۆران، بە زاری كرمانجی ڕاگەیاند:” هێشتا بە شێوەیەكی فەرمی نرخی مۆلیدە لە سۆران بڵاو نەكراوەتەوە، بەڵام بۆ هەر ئەمپێرێكی كارەبا، لە نێوان 10 هەزار بۆ 10750 دینار دیاری كراوە.
ئاشكراشی دەكات، بەهۆی زیادبوونی كاتژمێرەكانی كارەبای نیشتیمانی، بۆ ئەم مانگە نرخی مۆلیدە بەراورد بە مانگی پێشتر هەرزان كراوە.
بەڕێوەبەری ئیدارەی كارەبای سۆران، دووپاتی كردەوە، ئەو نرخە بەپێی پێدانی كاتژمێرەكانی كارەبا دیاری كراوە كە لە گەڕەكێك بۆ گەڕەكێكی دیكەی سۆران جیاوازە.
