پشتیوان كەریم – زاری كرمانجی:
دوای ئەوەی وەزارەتی كشتوكاڵ و سەرچاوەكانی ئاو، واژۆكردنی یاداشتی لێكتێگەیشتنی لەگەڵ بانكی (القرتاس ئیسلامی) بە مەبەستی دابینكردنی قەرزی بانكی و پاڵپشتی پڕۆژەكانی جوتیاران و دەرچووانی كشتوكاڵی و فێتێرنەری ئەنجامدا.
ئەندازیار حەكیم عەبدوڵڵا، جێگری بەڕێوەبەری گشتی كشتوكاڵی سۆران بەوەكالەت باس لە مەرجەكانی وەرگرتنی پێشینەكە دەكات و دەڵێ:” پێویستە ئەو كەسانەی پێشینەكە وەردەگرن، ئەو مەرجانەی خوارەوەیان تێدا بێت،
- وەرگرتنی مامەڵەی جوتیاران و دەرچووانی كشتوكاڵی و فێتێرنەری ئەوانەی كە خوازیارن سوودمەندبن بە مەبەستی دامەزراندنی پڕۆژەی بچووك و مامناوەند و بەرزكردنەوەی بۆ بەرێوەبەرایەتی كاروباری یاسایی لە دیوانی وەزارەت.
- پشتگیری بەرێوەبەرایەتیە گشتیەكانمان لەگەڵ سەرجەم بەراییەكانی تایبەت بە پڕۆژەكە هاو پێچ دەكرێت، بەمەبەستی هەڵسەنگاندن و پەسندكردن و ئاڕاستەكردنی بۆ بانكی ناوبراو.
- خاوەن بیرۆكە پێویستی بە (كەفیل) ێك دەبێت بۆ بانكی ناوبراو كە فەرمانبەری حكومەت بێت.
- بڕی قەرزەكە لە (15,000,000 تا 100,000,000) پانزە ملیۆن دەستپێدەكات تاوەكو سەد ملیۆن دیناری عێراقی و بەگوێرەی ئاستی پڕۆژەكە، لەماوەی (1 ساڵ تا 5 ساڵ) قەرزەكە دەدرێتەوە و لە دوایی شەش مانگی یەكەمی سوومەند بوونی قەرزەكە.
- كاری وەزارەتمان تەنها هەڵسەنگاندن و پەسندكردن و پشتگیری و چاودێری پڕۆژەكانە لە رووی هونەری و پێشخستن و دۆزینەوەی هەلی كار بۆ جوتیاران و دەرچووانی كشتوكاڵی و فێتێرنەری.
- سەرجەم رێكارە كرداریەكان وەكو (یاسایی و دارایی و كارگێری)لە بانك یەكلایی دەكرێنەوە لەگەڵ خاوەن پڕۆژەكە .
جێگری بەڕێوەبەری گشتی كشتوكاڵی سۆران بەوەكالەت، ئەوەشی خستەروو:” وەرگرتنی مامەڵەی جوتیاران و دەرچووانی كشتوكاڵی و فێتێرنەری ئەوانەی كە خوازیارن سوودمەند بن لەم پڕۆژەیە دەتوانن بە پێی ئەم رێنمایانە سەردانی بەرۆِێوەبەرایەتی كشتوكاڵی سۆران بكەن بۆ تۆماركردنی ناوەكانیان”.
