زاری كرمانجی -سۆران:
ئێوارهی ئهمرۆ سێشهم نێچیرڤان بارزانی سهرۆكی ههرێمی كوردستان پێشوازی له ئایدن مهعرووف وهزیری كاروباری پێكهاتهكان له حكوومهتی ههرێمی كوردستان كرد.
له دیدارێكدا ههردوولا دهبارهی دۆخی پێكهاتهكان و مافهكانیان له ههرێمی كوردستان بیروڕایان گۆڕییهوه. لهمبارهوه ئایدن مهعرووف پوختهیهكی دەربارەی چهند لایهنێكی پهیوهندیدار به دۆخی پێكهاته نهتهوهیی و ئایینیهكان و ئامادهیی و ڕۆڵیان له ژیانی سیاسی و كارگێڕیی وڵاتدا، خسته ڕوو.
لای خۆیهوه نێچیرڤان بارزانی وێڕای ئاماژهدان به پێویستیی پاراستنی مافی پێكهاتهكان و فراوانكردن و برهودانی بهردهوام به كولتووری پێكهوهژیان و یهكترقبووڵكردن و لێبوردهیی، جهختی لهوه كردهوه كه ههرێمی كوردستان بۆ ههمیشه به وڵاتی ههمووان و لانهیهكی ئارام بۆ تهواوی پێكهاته ئایینی و نهتهوهیییهكانی دمێنێتهوه و به ههموو شێوهیهك پارێزگاری له مۆزاییكی ئایین و نهتهوهکان دهكات.
