پشتیوان كەریم – زاری کرمانجی:
نەوت فرۆشێکی سەنتەری قەزای ناوەندی سۆران دەڵێت ” نرخی نەوت لەبازاڕدا دابەزیوە و ئەو نەوتەی پاڵپشتکراوەی حکومەتیش کە بەسەر هاوڵاتیان لەسنووری ئیدارەی سۆران دابەشدەکرێت کواڵێتی زۆر باشە وەک نەوتی بازاڕە.
مەغدید ئۆمەراوەیی نەوت فرۆش، ئەوەشی خستە ڕوو:” لە ئێستادا نرخی یەك بەرمیل نەوتی بێجی بە 185هەزار دینارە و نرخی یەک بەرمیل نەوتی ئێرانیش 180هەزار دینارە، هەربەرمیلێک بڕی پێنج بۆ دە هەزار دینار ڕووی لەدابەزینکردووە، هاوکات هەر لیترێک نەوتیش 790-820 دینار دەفرۆشرێت.
ئۆمەراوەی ئاماژەی بەوەشکرد:” هەوڵەکانی حکومەتی هەرێمی کوردستان بەردەوامن بۆ دابەشکردنی نەوت بەسەر هاووڵاتییان ئەو نەوتە پاڵپشتکراوەی حکوومەتیش کواڵێتی زۆر باشە، هەروەها وابڕیارە لەسەرەتا یان لەناوەڕاستی مانگی یازدە تشرینی دووەم حکومەتی عێراق دەست بەدابەشکردنی نەوتی سپی بکات بەمەش نەوت زیاتر ڕوو لەدابەزین دەکات لەبازاڕدا .
