زاری كرمانجی-سۆران
بەرپرسی نووسینگەی حەج و عومڕەی ئیدارەی سەربەخۆی سۆران، دەڵێت: ” رۆژانە هاووڵاتییان لە هەردوو رەگەزەكان سەردانمان دەكەن بۆ تۆماركردنی ناوەكانیان بۆ سەردانی حەج.
مەلا یوسف چۆمانی، بەرپرسی نووسینگەی حەج و عومڕەی ئیدارەی سەربەخۆی سۆران، بە زاری كرمانجی راگەیاند: ” بە پێی ئەم وادەیەی بۆمان دیاریكراوە لە بەرواری 15-10- تا 24-10-2024 دەستمان كردووە بە تۆمار كردنی ناوی ئەو كەسانەی ئارەزووی فەریزەی حەج دەكەن، بۆ ئەم مەبەستە لە نووسینگەكەمان لە نزیك فلكەی ئاڵا لە سەنتەری قەزای سۆران رۆژانە لە خزمەت هاووڵاتییان داین بۆ تۆمار كردنی ناوەكانیان”.
ئاشكراشی كرد: ” ناوی هەردوو رەگەز واتە ئافرەت و پیاو تۆمار دەكەین، بەو مەرجەی تەمەنیان لە سەرووی 18 ساڵیەوە بێت، هەروەها بەپێی رێنماییەكان ئەگەر كەسەكە بەتەمەنیش بێت ئاساییە، بەڵام بەو مەرجەی نەخۆشی وای نەبێت كە ببێتە رێگر لەبەردەم تواناكانی.
