فەخرەدین سرێشمەیی
كاتی ئەوە هاتووە كورد نێوماڵی خۆی ڕێكبخاتەوەو خۆی بۆ پێشهاتی گەورەی چاوەڕوانكراو گۆڕانكاری گەورە ئامادەبكات. سەركردایەتیی كورد بەتایبەتی جەنابی سەرۆك ئەركی قورسی لەسەرشانە، چونكە لە گۆڕەپانی سیاسی كوردستان تەنیا ئەو ماوە لەژیان، هەموانیش دەتوانین بە وشەیەكی جوانیش بێت هاوكار و پاڵپشت بین.
هەركاتێك كورد لێرە تەبا و یەكدەنگ بووبێت سەنگی لەبەغدا زۆر زیاتر بووە. لەشەڕی داعش هەمووان بەڕۆحیەتێكی برایەتی و نیشتمانی بەرگریمان دەكرد، دەوڵەتی بەناو ئیسلامی حیسابی ئەوەی نەكرد كە ئێمە سەربە چ حزب و لایەنێكین و كوردی ئیسلام و مەسیح و یەزیدی لای ئەوان یەك حسابی بۆكرا. دەستی نەپاراست لەداگیركردن و كوشتن شەهیدكردنی ڕۆلەكانمان، ڕاستە خیانەت برینێكی بەسۆیە ساڕێژكردنی ئەستەمە پێویستە هەمووان جارێكی تر هەوڵدەین نێوماڵی كورد ڕێكبخەینەوە هەوڵدەین میكانزمێكی گونجاو ببینەوە تا ڕێگری بكات كەس زاتی ئەوەی نەبێت كەس بیر لەخیانەت بكاتەوە.
هەمووان ئەو ڕیسوایەی كوردیان بینی زۆر زەلیلبووین، هەستی كوردایەتی نیشتمان و نەتەوەش “باوای لێ نەیەت، وەك خیانەت لە نیشتمان، تەنیا وەك ڕای جیاواز تەماشا بكرێت. تاكی كورد قەزیەی نەتەوە و خاك بچووكتر ببینێ لە شتێكی سەرەتای وەك مووچە داوابكات زۆر مەمنوونم بێت عێراق مووچەی پێبدات و بەهاووڵاتی عێراقی قەبول بكرێت. پەشیمان بێت لەخەبات و قوربانیدان لەپێناو پاراستنی قەوارەكەی و دڵخۆشبێت هیچ شتێك نەمێنێ بەناوی هەرێمی كوردستان .خوێنی سەدان شەهید و ئەنفال ئەوانەی خوێن و خەباتیان كرد لەپێناو ئەوئازاییە و ئەو ئەزموونە فیڕۆ بڕوات هەزار جار حەیف و مخان.
