مەهدی محەممەد – زاری كرمانجی :
ئاماری قوربانییانی جەنگی نێوان ئیسرائیل و بزووتنەوەی حەماس ڕۆژ بە ڕۆژ بەرزتر دەبێت و تەنیا لە ماوەی پێنج ڕۆژی جەنگدا زیاتر لە 10 هەزار كەس لە هەردوولا بوونەتە قوربانی.
ئەمڕۆ چوارشەممە 11ی تشرینی یەكەمی 2023، بەرگریی ئیسرائیل لە ئامارێكدا قوربانیانی وڵاتەكەی لە ماوەی 5 ڕۆژی جەنگ بڵاو كردەوە و ڕاگەیاند ژمارەی كوژراوانی ئیسرائیلی بۆ 1200 كەس بەرز بووەتەوە و 2900 كەسیش برینداربوونە، بەپێی ڕاگەیاندنی بەرگریی ئیسرائیل زۆربەی قوربانیان خەڵكی سڤیلن.
هاوكات وەزارەتی تەندروستیی غەززە لە ڕاگەیاندراوێكدا ئاشكرای كرد كە تا ئەمڕۆ چوارشەممە 950 كەس گیانیان لەدەستداوە و زیاتر لە 5 هەزار كەسیش بریندارن كە زۆربەیان خەڵكی سڤیلن .
