رێبوار حەمەلاو شوانی
پێش دروستبوونی ئەم قەوارەی هەرێمی کوردستان و لە قۆناغەکانی رابردووش و هەرکاتێک داگیرکەران و دوژمنانی گەلی کورد هەستیان بە ناکۆکیی وناتەبایی گەلی کورد بکردایە ، ئەوا بەهەموو جۆرێک پەڵاماریان دەدا و یانیش هەوڵی لێکترازان و ناکۆکیی دروستکردنیان لە ڕێزەکانی خەبات دەدا تا لە گەیشتن بە ئامانجەکان سارد و بەلارێدای ببەن ، بۆ ئێستای حکوومرانی هەرێمی کوردستان وەک کیانێکی دەستووری و فەرمی لە نێو دەستووری هەمیشەیی عێراقیی فیدڕاڵ دا ، لەلایەک بەهۆی پابەند نەبوون و جێبەجێنەکردنی بنەماکانی فیدڕاڵیی ولێکتێنەگەیشتنی و یانیش بە راستی و لەلایەکی تریش نەبوونی تەبایی و یەکدەنگی کورد بە تایبەت لەم چەند ساڵەی دواییدا ، وەک ئەوەی دەبینرێت تا دێت فشارەکانی دەسەڵاتدارانی بەغدا دژ بە گەل و هەرێمی کوردستان تادێت چڕتر دەبنەوە ، کە زۆر گرنگ وپێوستە بەخێرایی کێشە نێوخۆییەکان بە ڕێگەی ڕێککەوتننامە و پەیماننامەی شەرەف و تەبایی نێوماڵی کورد لە پێناو پارێزگاریکردن لە قەوارەی هەرێم لەلایەک و لەلایەکی تر پێداگریکردن لە مافە رەوا دەستوورییەکان بچنە بواری جێبەجێکردنەوە ، بەتایبەت کە ناوچەکە و عێراقیش بە قۆناغێکی هەستیار ومەترسیداردا تێدەپەرێت ، بۆیە بەردەوام بوون ئەو کێشە وناکۆکییانە نەک تەنها پێگەی کورد وقەوارەکەی لە سەر ئاستی عێراق لاواز دەکات بەڵکو لە سەر ئاستی ناوچەیی و نێودەوڵەتیی بەهەمان شێوە دەبێ.
گرنگترین ئەو هەنگاوانەی کە پێوستە بهاوێژرێن بریتین :
یەکەم : ڕێککەوتننامەی نوێی لە نێوان پارتی و یەکێتیی بە ڕچاوگرتنی گشت بەرژوەندییە باڵاکانی گەل و نیشتیمان .
دووەم : کۆبوونەوەی بەرفراوانی گشت هێزولایەنە سیاسیەکان لە پێناو تەبایی و یەکدەنگی نێوماڵی کوردستانی .
سێیەم : پێکهێنانی شاندێکی هاوبەشی کوردستانی لە پێناو رووبەڕووبوونەوەی هەموو ئەو گروپ وهێزولایەنانەی کە بە ئاشکرا کارتەکانی بەردەستیان لە پێناو نادیدەگرتنی ماف و شایستە دەستووریەکانی هەرێمی کوردستان لەلایەک و لایەکی تر کار بۆ لاوازکردنی سەنگ و پێگەی هەرێمی کوردستان دەکەن .
چوارەم : چڕکردنەوەی هەوڵەکانی هەرێمی کوردستان لە رووی سیاسی و دیپلۆماسی بۆ جێبەجێکردن و ناچارکردنی عێراق بۆ ئەو ڕێککەوتننامەی لە بواری بودجە و ئینجا رەوشی کەرکووک و ناوچەکوردستانییەکانی دەرەوەی ئیدارەی هەرێم و بەتایبەت رەوشی شەنگال .
پێنجەم : ئاشکرایە ، هەندێک گروپ وتاقم کە لەلایەن وڵاتێکی هەرێمییەوە پشتیوانیان دەکرێت و کارتی دارایی و دادگە و بەتایبەت لە دوای رووداوەکانی 16ی ئۆکتۆبەری 2017 ، ئەو ناتەبایی و ناکۆکییە سیاسییانەی نێوخۆیی کوردستانیان قۆستۆتەوە بۆ زیانگەیاندن کۆی گشتی قەوارەی هەرێم و دەستکەوتەکانی.
شەشەم : گرنگە بەخێرایی هەنگاویی وردبنیانە بۆ گفتگوگۆ و ڕێککەوتننامەی بەهێز وکاریگەر بکرێت ، کوردستان لە رووی سیاسی و دیپلۆماسیشەوە لە سەر ئاستی ناوچەکە و جیهان سەنگ پێگەی خۆی بە پارێزراوی بەتایبەت لایی زڵهێزانی وەک ئەمەریکاو فەرەنسا و ئەڵمانیا و بریتانیا بهێڵێتەوە .
حەوتەم : دەبێ ئەو راستییەش بزانین کە كێشه و گرفتهكانی هێزه سیاسییهكان له ههرێمی كوردستان بهو جۆره نییه كه نهكرێت چارهسهری گونجاوی بۆ بدۆزرێتهوه، بۆیە ,ئهم ههنگاوانه ، دهبنە هۆی ئاشتهوایییهكی نیشتمانی و بەهێزتر بوونی ڕیزەکانی گەلی کورد و دواتر سهرجهم لایهنه سیاسییهكان لهژێر چهتری ههرێمی كوردستان كۆ ببنەوە.
هەشتەم : پێوستە ههموو لایهنێكی سیاسی له ڕووه سیاسییهكهوه، درك بهو هەڕەشە و مهترسییانه بكات كه رووبەڕووی قەوارەی هەرێمی كوردستان بوونەتەوە . واتە هەڵەیەکی گەورەیە کاتێک وابیر بکەینەوە کە مهترسییهكان تهنیا له دژی پارتی نییه بهڵكوو له دژی كۆی پرۆسهی سیاسییه له ههرێمی كوردستان؛ چونكه ڕاستییهكی حاشاههڵنهگر ههیه، ئهویش بریتییه لهوهی كه زۆربهی لایهنه سیاسییهكان وایان وێنا كردووه كهوا مهترسی و گوشارهكان تهنیا له دژی پارتییه، كهچی له بنهمادا بابهتهكه بەشێوەیە نییه و ئامانجی سهرهكی، قهوارهی ههرێمی كوردستان و ئهزموونهكهیهتی.
بۆیە، زۆرگرنگە لە قۆناغی ئێستاماندا بە هەستیارییەوە مامەڵە لەگەڵ کۆی رووداو وپێشهاتەکان بکەین و کوردستان بەماڵی خۆمان بزانین و ئەرکی هەموو ئۆرگان و دەزگەکانی راگەیاندنە کە بەڕێگەی ئەنجامدانی کۆر وکۆبوونەوەی بەفراوانی جەماوەری بە سەرکردایەتیی سیاسی کورد و بەتایبەت سەرۆکایەتیی هەرێم و سەرۆکی حکوومەتی کوردستان بابەتەکان شیکردنەوەی پێوستی بۆ بخەنەڕوو کەوا چۆن فاشیزمەکانی لە عێراق بەشیعە و سووننەوە هەوڵی لێدان و لاوازکردنی سەنگ وپێگەی قەوارەی هەرێمی کوردستان دەدەن و تەنانەت وەک سووکایەتییەک بە دەرۆزکارێک و بە منەت قەرزی مووچە دەدەن بەگەڵی کورد ، بۆیە کاتی ڕێککەوتننامەیەکی ئاشتی و شەڕەف و تەباییە کە کلیلی بەهێزتر بوونی قەوارەی هەرێمی کوردستانە .
