بۆ چی دۆسییەكانی دادگا دژی شاسوار دادەخرێن؟
مجاملەی كەناڵی ئین ئار تی بۆ قوباد لەسەر چ بنەمایەكە؟
قوباد تاڵەبانی چ وەبەرهێنانێك لەسەر نەوەی نوێ دەكات ؟
بەشێكی زۆری كەناڵەكانی راگەیاندن بە دوای هۆكارەكانی بەرگری سەرسەختانەی جێگری سەرۆكی ئەنجوومەنی وەزیران دەگەرێن كە بۆچی هەمووجار دۆسییەكانی سكاڵای تایبەت بە نەدانەوەی قەرزەكانی حكومەت و مافی هاووڵاتییان لەلایەن سەرۆكی جولانەوەی نەوی نوێ لە دادگاكان لەسەر داوای قوباد تاڵەبانییەوە دادەخرێن.
لە كاتێكدا سەرۆكی جولانەوەی نەوەی نوێ كە خاوەنی پڕۆژەیەكی گەشیارییە تا ئێستا نە باج و نە پارەی كارەبا و ئاویان نەداتەوە حكومەت و بەڕوو قائیمی دەڵێت نایدەمەوە چی دەكەن بیكەن، لە لایەكی دیكەشەوە سەدان ملیۆن دیناری هاووڵاتییان كە بە فێڵی خاوەندارێتی و پشكەوە لە پڕۆژەی چاڤیلاند لێیان وەرگیراوە ناداتەوە و سكاڵای ئەوانیش بە هۆی دەستێوەردانەكانی قوباد تاڵەبانی دووادەخرێت.
ئەمە لە كاتێكدایە كەناڵی NRT زمان حاڵی بزووتنەوەی نەوەی نوێ، رۆژانە رەخنە لە هەموو بەرپرسانی حكومەت هەرێم دەگرێت تەنها جێگری سەرۆكی حكومەت نەبێت.
واتە ئەم كەناڵە بووەتە سەكۆیەك بۆ قوباد تاڵەبانی و ریكلامی بۆ دەكات، ئەمەش بەهۆی ئەوەی قوباد ڕێگری كرد لەوەی شاسوار ڕووبەرووی یاسا و دادگا بكرێتەوە لەسەر چەندین تۆمەتی دزیكردن لە هاووڵاتیان و نەگەڕاندنەوەی چەندین ملیۆن دۆلاری حكومەتی هەرێم.
چاودێران پێیانوایە ئەم هەڵوێستەی جێگری سەرۆكی حكومەت لە ئاست نەوەی نوێ، تەنها یەك ئاماژەی هەیە ئەویش هاوبەشی و شەراكەتە لە پڕۆژەكانی ئابووری و سیاسی و حزبیشەوە. بۆیە هەر دوولا پشتگیری یەكتری دەكەن و قوتاد تاڵەبانی شاسوار و بزووتنەوەكەی و كەناڵەەی بۆ بەرژەوەندی خۆی بەكار دەهێنێت و ئەوانیش بەرگری لێ دەكەن.
