زاری كرمانجی – سۆران :
مەسرور بارزانی، سەرۆكی حكومەتی هەرێمی كوردستان، ئەمڕۆ یەكشەممە 10ـی تشرینی یەكەمی 2023 پێشوازی لە ئەحمەد ئیبراهیم ئەلزاهری، كونسوڵی گشتیی ئیمارات لە هەرێمی كوردستان كرد.
لە دیدارەكەدا كونسوڵی گشتیی ئیمارات، بانگهێشتنامەی شێخ محەممەد بن ڕاشد ئال مەكتووم، جێگری سەرۆك دەوڵەتی ئیمارات و سەرۆكی ئەنجوومەنی وەزیران و حاكمی میرنشینی دوبەی بە سەرۆكی حكومەت گەیاند بۆ بەشداریكردن لە كۆبوونەوەی لووتكەی جیهانیی كەشوهەوا COP28 كە ڕۆژانی یەك و دووی دیسەمبەری ئەمساڵ لە شاری دوبەی ئەنجام دەدرێت و هاوكاتە لەگەڵ ڕۆژی نیشتمانیی دەوڵەتی ئیمارات.
لەو لووتكەیەدا گفتوگۆ لەبارەی ڕووبەڕووبوونەوەی لێكەوتە نەرێنییەكانی گۆڕانی كەشوهەوا لەسەر وڵاتانی جیهان دەكرێت.
