رۆشنا ئیبڕاهیم عوسمان
قوتابی: قۆناغی چوارەم
بەشی: مێژوو فاكەڵتیی ئاداب، زانكۆی سۆران
لەچەند رۆژی داهاتوو قوتابیانی قۆناغی یەكەم، دەست بە قۆناغێكی نوێی خوێندن دەكەن، هەڵبەتە سەرەتای هەموو كارێك و قۆناغێكی نوێی ژیان لە كۆتایدا دەبێتە بناغەی هەموو كارو ژیانكردنی، زانكۆ و پەیمانگاكان كە ماڵێكی ئەكادیمین و كەم تازۆر هەموو ئەوانەی ١٢ ساڵی خوێندن لە قوتابخانە لە هەوڵداندان، مەبەستیانە كۆتای هەوڵدانیان بەگەیشتن بە زانكۆ و پەیمانگاكان كۆتایی بێت، لەوێوە درێژە بەكاروانی چەندین ئامانج و خەونی تربدەن، وەلێ ئەكید جیا لەو دڵخۆشیەی هەیانە بۆ گەیشتن بە زانكۆ، دەروونیشیان لەگەڵ راڕای و دوودڵی و شپرزەی لە شەردایە لەبارەی كۆمەڵێك بیركردنەوە، نموونە: هەڵسوكەوتی مامۆستا نوێیەكانیان، چۆنیەتی ژیانكردن لە دووری ماڵەوە، هەڵبژاردنی كەسی راست یان هەڵە بۆ هاورێیەتی و تێكەڵ بوون، قوورسی مەنهەج، چۆنیەتی قسەكردن و رەفتاركردن لە زانكۆ. ..هتد.
لەگەڵ بوونی هەموو ئەو شتانەی من وەك خۆم مافی ئەو جۆرە بیركردنەوەیە بە فێرخوازانی قۆناغی یەكەم دەدەم، لەگەڵ ئەوەش دەكرێت تەنها بە شێوازی قسەكردن و رەفتاری مامۆستایان، قوتابیانی قۆناغەكانی تر هەموو ئەو دڵەڕاوكێیەی قوتابیان كۆتای پێبێنین، بە نموونە زۆر ئاسایە مامۆستایەك پلەی دكتۆرای هەبێت قوتابیێكی قۆناغی یەكەم بڵێت مامۆستا، دەكرێت قوتابی قۆناغی یەك بێت و پرسیاری شوێنێك هۆڵێكت لێبكات كە شارەزانییە، دەكرێت لەكاتی هاتنە ژوورەوەی مامۆستا قوتابی هەڵسێتەوە، قوتابی قۆناغی یەكەم ئاسایە لەسەرەتادا دوورە پەرێزانە لە بەشە ناوخۆییەكان رەفتار بكات، هیچ كام لەمانە پێویستیان بەتوانج و پێكەنینی ئێمەی قوتابی قۆناغەكانی تر و مامۆستایان نییە، بەپێچەوانەوە بەری من رەفتاركردنی ئێمە و پێكەنینی نامۆی ئێمە بەرووی قوتابیانی قۆناغی یەكەم زیاتر لە هەموو گوفتار و كردارێك پێویستی بە پێكەنین و شەرمەزارییە، چونكە هەریەك لەئێمە بەو قۆناغەدا تێپەریوین، ئایە هیچ كامێكمان لە قۆناغی دووەم دەستمان پێكردووە قۆناغی یەكمان نەبینیبێت؟!.
ئەكید نەهێشتی دڵەڕاوكێی قوتابیانی قۆناغی یەكەم، بەشێكی گرنگیشی پەیوەندی بە زانكۆ و پەیمانگاكان هەیە، چوارچێوەی زانكۆ و چۆنیەتی پێشوازی كردنی تەواوی زانكۆ لە قوتابیانی قۆناغی یەكەم كاریگەرترین رێگای گۆرینی بیركردنەوەی قوتابییە سەبارەت بەزانكۆ، بە نموونە زانكۆی سۆران، هاوكات خۆم فێرحوازی ئەو زانكۆیەم بۆیە نموونەكەشم ئاراستەی هەمان زانكۆیە، ئەوەی لە پێشوازی كردنی قوتابیانی قۆناغی یەكەم لەم زانكۆیە دیدەنیم كردووە، ماوەی ٢ساڵە خۆشبەخاتانەو بەشانازیەوە بەگوڵ و شیرینی و پێشوازی گەرم سیمیای زانكۆ شیرنتر و جوانتر نیشاندراوەو تا ئاستێكی باش دڵەراوكێی قوتابیان كەم دەكاتەوە، نەوەك بەجۆرێك چەندین دەستواژەی شكێنەر و ناشیرن لەكاتی پێشوازی كردن بەكار بهێنرێت، كە بەداخەوە لە چەند زانكۆیەك تا ئێستا باوی ئەو رەفتارەماوە، بە ڕادەیەك قوتابی كە دەچێت بۆ رایكردنی مامەڵەی زانكۆ ئەوراقەكانی دەشارێتەوە تا لەلایەن دەورووبەری نەشكێنرێت.
بەهیوام ئەمساڵ ببێتە ساڵی تەواوكەری خەونی فێرخوازان لەبری شكاندنییان.
